ღორის ხორცი, ლიმნის წვენი და მაგარი ყველი – საუკეთესო კომბინაციაა. აი რეცეპტი

არსებობს პროდუქტები, რომელთა მეშვეობითაც მარტივი კერძები საოცრად ღირებული გახდება. ერთ-ერთი მათგანი ღორის ხორცია. საკმარისია დაამატოთ ფორთოხალი ან ქლიავი, რომ საყვარელი ხორცი უფრო რბილი, გემრიელი და არომატული გახდება. კარტოფილი, მაკარონი და სოკო კერძს დამანაყრებელს გახდიან. ტკბილი სოუსი კი მას სუფრის ვარსკვლავად აქცევს.

მიუხედავად იმისა, რომ ღორის ხორცის ჩხირები ყველით ბიუჯეტური და მოკრძალებული ვარიანტია, მისი გემო იმედებს ნამდვილად არ გაგიცრუებთ. თუ არ გსურთ ნახევარი საღამო სამზარეულოში გაატაროთ, მიმართეთ ამ რეცეპტს.

ინგრედიენტები

ღორის ხორცი 500გ

დამარილებული კიტრი 2-3ც

მაგარი ყველი 100-130გ

ლიმნის წვენი 2 ს.კ.

მარილი, შავი პილპილი

მომზადება

გარეცხეთ ხორცი. გამოაშრეთ, დაჭერით თხელ ფენებად.

თითოეული მათგანი საკვებისთვის განკუთვნილ პარკში შეახვიეთ და დაკეპეთ.

მოაყარეთ პილპილი. დაასხით ლიმნის წვენი. მოათავსეთ ერთ ჭურჭელში და დატოვეთ ნახევარი საათით.

თითოეული კიტრი 4 ნაწილად დაჭერით. მაგარი ყველი საშუალო ნაჭრებად.

ხორცს კიდევ ერთხელ მოაყარეთ პილპილი და მარილი.

აიღეთ 1 ნაჭერი ხორცი. მოათავსეთ დაფაზე. დაადეთ ყველი და კიტრის ნაჭერი.

გადაახვიეთ.

გააცხელეთ ზეთი. შეწვით რულეტები ორივე მხარეს.

გაზქურის ტემპერატურა 180 გრადუსზე დააყენეთ. მოათავსეთ გაზქურაში კიდევ 12 წთ.