როგორ მოვამზადოთ ხაჭო კეფირისგან

გემრიელი ხაჭორს ყიდვა ყველას არ გამოსდის. მწარმოებლები ხშირად იყენებენ დანამატებს, რათა გაზარდონ პროდუქტის ვადა. იმისთვის, რომ რაციონიდან ასეთი სასარგებლო პროდუქტი არ ამოვიღოთ, ბევრი დიასახლისი ხაჭოს დამოუკიდებლად ამზადებს. პროცესი გრძელვადიანი და რთულია. მაგრამ, არსებობს მარტივი გზაც.

როგორ გავაკეთოთ ხაჭო კეფირისგან სახლის პირობებში

ეს სულ რაღაც 5 წუთს წაიღებს! ხაჭო რბილი და არამჟავე გამოვა. 1 ლ 3.2 %-იანი კეფირით 350გ ხაჭო გამოვა.

იმისთვის, რომ ხაჭო მოამზადოთ, მხოლოდ კეფირის პაკეტი დაგჭირდებათ. არ გააკეთოთ ეკონომია, რადგანაც პროდუქტის ხარისხი მასზე იქნება დამოკიდებული. ყურადღებით შეხედეთ ვადას. კეფირი ახალი უნდა იყოს, შენახვის ვადა კი 5 დღეზე მეტი არაა.

მოათავსეთ კეფირი ღამით საყინულეში. შეგიძლიათ შეფუთვიდან არც გადმოასხათ. დილით გამოიღეთ და გახსენით. გაყინული მასა მარლაში შეახვიეთ და ნიჟარასთან ჩამოკიდეთ. ხაჭო მზად იქნება მაშინ, როცა წვეთები შეწყდება და სითხე აღარ გამოჟონავს.

ეს არის საიდუმლო! სწრაფი, მარტივი და ეკონომიური. კეფირი შესაძლოა საყინულეში ერთ ღამეზე მეტხანს გააჩეროთ და სხვადასხვა ცხიმის მქონე კეფირისგან სხვადასხვა რაოდენობის ხაჭო გამოდის. მიღებული პროდუქტი შეგიძლიათ მიირთვათ თაფლით, არაჟნით, მურაბით ან მოამზადოთ ორიგინალური სახლის ყველი ან გემრიელი პასტაა ბუტერბროტებისთვის.

ხაჭოს პასტა

დაჭყლიტეთ მწვანილი და ბულგარული წიწაკა. ნიორიც. აურიეთ ხაჭოსთან ერთად და მოაყარეთ მარილი.

აუცილებლად ცადეთ ხაჭოს დამოუკიდებლად მომზადება, დარწმუნდით, რომ ამ სასარგებლო პროდუქტის გაკეთებას ცოტა დრო და ძალისხმევა სჭირდება.