სად არის მდიდრული სასახლე? – აი, ასე ცხოვრობს პლანეტის ყველაზე მდიდარი მამის – ბილ გეიტსის – ქალიშვილი.

,,მაიკროსოფტის” დამფუძნებელი ბილ გეიტსი თავის მომავალ მეუღლეს 1987 წელს შეხვდა, გოგონა მისი თანამშრომელი იყო. ისინი 1994 წელს დაქორწინდნენ, ხოლო 1996 წელს დაიბადა მათი გოგონა – ჯენიფერი. დღეს გვინდა, მის შესახებ მოგითხროთ.

80იან წლებში გეიტსი კონკურენციას უწევდა სტივ ჯობსს ტექნოლოგიების სფეროში. ახლა კი მათი ქალიშვილები ერთმანეთს ცხენოსნობაში ეჯიბრებიან. ,,ციფრული” მშობლების შვილებმა შეარჩიეს საცხენოსნო სპორტი.

ბილს და სტივს ესმოდათ, რომ ტექნოლოგიები ვნებს ჯანმრთელობას, ამიტომ გოგონებს უზღუდავდნენ კომპიტუერთან და ტელეფონთან გატარებულ დროს, მოუწოდებდნენ ბუნებისა და ცხოველების სიყვარულისკენ.

გეიტსმა ერთ-ერთ ინტერვიუში აღიარა, რომ ჯენიფერს საკუთარი ტელეფონის ფლობის უფლება მხოლოდ 14 წლის ასაკში მისცა.

მილიარდელის ქალიშვილს აბსოლუტურად მიწიერი ინტერესები აქვს. ის ცხოველებს აღმერთებს, ასევე მოგზაურობას და თავის ბოიფრენდთან სეირნობას.

რამდენიმე წლით ადრე ბილმა განაცხადა, რომ თავისი 80 მილიარდიდან დიდ ნაწილს ქველმოქმედებას შესწირავს. შვილებს კი მხოლოდ სასტარტო კაპიტალს დაუტოვებს, რომელიც მათ განათლებისა და პროფესიის შერჩევაში დაეხმარება.

გეიტსებს სურთ გაზარდონ ნიჭიერი შვილები, რომლებიც თავის თავს თავად შექმნიან. თუმცა მშობლების გარეშე მაინც ვერაფერს გახდებიან, როგორც თავის დროზე ბილი. მას მშობლებმა მისცეს თანხა საკუთარი კომპანიის შესაქმნელად, ამის შემდეგ ის დამოუკიდებლად მოქმედებდა.

ჯენიფერი არასოდეს მოხვედრილა სკანდალებში, არ ჩანს სიახლეებში ისე, როგორც სხვა ოლიგარქების შვილები.

გეიტსების ცხოვრებაზე შეგვიძლია მათი სოციალურ ქსელში აქტივობით გავიგოთ. ჯენიფერი იქ უზიარებს მეგობრებს ფოტოებს და სხვადასხვა ისტორიებს.

თავის შეყვარებულს გოგონა ცხენების წყალობით გაეცნო. ნასარიც პროფესიონალი ცხენოსანია. ახლა ბილის ქალიშვილი ჯირითში ამერიკული ნაციონალური ნაკრების სრულუფლებიანი წევრია.

განათლებას ჯენიფერი იღებს სტენფორდის უნივერსიტეტში, ბიოლოგიის ფაკულტეტზე. თავის დროზე მამამისმა ჰარვარდის უნივერსიტეტში სწავლა მიატოვა, თუმცა ჯენიფერი ამას არ აპირებს.

როგორც ჩანს, ჯენიფერი ძალიან გავს დედამისს – მელინდას.

ბილს არ უყვარს თავისი პირადი ცხოვრების გავრცელება, ამიტომ მისგან ვერ ნახავთ ვერც ერთ ფოტოს. სამაგიეროდ ჯენიფერი უხვად დებს ოჯახურ ფოტოებს სოციალურ ქსელში.

როცა ხედავ, როგორ ღირსეულ შვილებს ზრდის ბილ გეიტსი, ცოტათი მშვიდდები ჩვენი მომავლის გამო. ჯენიფერი ღირსეული მემკვიდრეა თავისი წარმატებული მამის. ის ხელმძღვანელობს ბილისა და მელინდას საქველმოქმედო ფონდს. ამჟამად გეიტსებს ყველაზე მეტად მედიცინის განვითარება აინტერესებთ, სწორედ ამ სფეროში ხარჯავენ ისინი დიდი რაოდენობით ფულს. მათი გოგონა სწავლობს ბიოლოგიას, ამიტომ ის აუცილებლად განაგრძობს თავისი მშობლების საქმეს!