ხაჭოს ნამცხვარი შოკოლადით

დესერტების კულინარია ორ ნაწილად იყოფა: ან ხელოვნების ნიმუშია, ან სწრაფად მოსამზადებელი ტკბილეული ჩაისთან მისაყოლებლად. ყოველთვის სასიამოვნოა იპოვნოთ ოქროს შუალედი.  წარმოგიდგენთ ნამცხვარს, რომელიც სწრაფად მზადდება და აუცილებლად გამოგადგებათ.

ინგრედიენტები

ხაჭო 650 გ
კვერცხი 4ც
შაქარი 90გ
სახამებელი 4 ს.კ.
ნაღები 100მლ
რძიანი შოკოლადი 60გ

მომზადება

  1. გააცალკევეთ ცილა და კვერცხის გული. ცილა მაცივარში მოათავსეთ. აურიეთ შაქარი, ხაჭო, კვერცხის გული და სახამებელი ერთგვაროვან მასამდე.
  2. ნელი მოძრაობებით აურიეთ ცილა ხაჭოს მასასთან. ეს მას უფრო ფუმფულას გახდის. შემდეგ ორ ნაწილად გაყავით.
  3. დაადნეთ რძიანი შოკოლადი ნაღებში და ჩაასხით ხაჭოს მასის ერთ-ერთ ნაწილში. აურიეთ. ორივე მასა ნელა ჩაასხით გამოსაცხომ ფორმაში ან ღრმა ჯამში გაზქურისთვის.
  4. გამოაცხვეთ ხაჭოს ნამცხვარი 65 წთ მიკროტალღურ ღუმელში გამოსაცხობ რეჟიმზე ან გაზქურაში 170-180 გრადუსზე. 1 საათი გაციება აცალეთ და შემდეგ გამოიღეთ.
თუ შოკოლადს კაკაოს ფხვნილით ჩაანაცვლებთ, 60 გ შოკოლადის მაგივრად 1 ს.კ. კაკაო გამოიყენეთ. ცომში სასურველია ცოტაოდენი ვანილინის დამატება. ეს მარტივი რეცეპტი ყველაფერთან ერთად გემრიელია, განსაკუთრებით კენკრასთან.