მწვადი წლის ნებისმიერ დროს აქტუალური კერძია, თუმცა რთველს განსაკუთრებით უხდება. კარგი მწვადის შესაწველად კი კარგი სოუსია საჭირო. აი რეცეპტი

მწვადი ყოველთვის აქტუალური კერძია, წლის ნებისმიერ დროს. გამოცდილ მემწვადეებს ვერანაირი სოუსითა თუ საკმაზით ვერ გააკვირვებ. თუმცა ჩვენ დღეს რაღაც უჩვეულოს შემოგთავაზებთ – ეს არის მანგოს მარინადი, რომელიც ძალიან უხდება ნებისმიერ შემწვარ ხორცს. მისი ტკბილ-მჟავე გემო ისე მოგეწონებათ, რომ სხვა სახის მარინადს აღარც განიხილავთ.

ინგრედიენტები

  • ორი კგ ქათმის ხორცი
  • 5 კბილი ნიორი
  • ორი ცალი ბულგარული წიწაკა
  • ერთი ჩ. კ. კორიანდრი
  • ერთი ცალი მანგო
  • ერთი ცალი წიწაკა ჩილი
  • ორი თავი ხახვი
  • ასი მლ სოიოს სოუსი

მომზადება

  1. თუ ძვლიანი ხორცი გაქვს, განაცალკევე რბილი ნაწილი ძვლებისგან.

  1. მწარე წიწაკა და ნიორი დაჭერი წვრილად და შეურიე ხორცს. აქვე დაამატე კორიანდრი და სოიოს სოუსი. კარგად აურიე.

  1. მანგო გაფცქვენი და დაჭერი კუბებად, შეურიე ხორცს კარგად და შედგი მაცივარში მინიმუმ ორი საათით. პერიოდულად სასურველია აურიო.

  1. ბულგარული წიწაკა გარეცხე და გაათავისუფლე თესლისგან, დაჭერი მასთან ერთად წითელი ხახვიც.

  1. ხორცი და ბოსტნეული მონაცვლეობით წამოაგე შამფურზე და შეწვი მაყალზე ან გრილზე.

უგემრიელესი მწვადი მზად არის! მანგოს მარინადი საუკეთესოა არამხოლოდ მაყალზე შესაწვავი ხორცისთვის, არამედ ტაფაზე მომზადების შემთხვევაშიც.

გემრიელად მიირთვით და გაუზიარეთ რეცეპტი მეგობრებსაც!