თუ გსურთ ახალი დესერტის მომზადება ისწავლოთ და რამე განსხვავებული მიირთვათ, აუცილებლად გამოიყენეთ ჩვენ მიერ შემოთავაზებული ნიგვზიანი ნამცხვრის რეცეპტი. მრავალშრიანი დესერტის მომზადებას მეტი დრო სჭირდება და ცოტა რთულიცაა, თუმცა შედეგი ამად ღირს.
ინგრედიენტები
- 5 ცალი კვერცხის გული
- 5 ცალი კვერცხის ცილა
- 325 გ კარაქი
- 6 ცალი კვერცხი
- 40 გ ნაღების პუდინგი
- 250 გ ფქვილი
- ასი გ შავი შოკოლადის ფილა
- 560 გ შაქარი
- 350 მლ რძე
- 3 ს. კ. ვანილის შაქარი
- 4 ს. კ. წყალი
- ათი გ გამაფხვიერებელი
- 250 გ ნიგოზი
- 4 ს. კ. ნუშის ფანტელი
მომზადება
- კრემის მოსამზადებლად 5 ცალი კვერცხის გული ათქვიფე 200 გ შაქართან ერთად. თქვეფა გააგრძელე წყლის აბაზანაზე.
- ოთახის ტემპერატურაზე დარბილებული 300 გ კარაქი ათქვიფე ცალკე ჯამში. ჩაამატე კვერცხის მასა და გააგრძელე თქვეფა.
- რძე, ვანილის შაქარი და პუდინგი შეურიე ერთმანეთს და დადგი დაბალ ცეცხლზე. ურიე გასქელებამდე. ეს მასა როცა შეგრილდება. გადაიტანე კვერცხის მასაში, აურიე და დატოვე ასე.
- კვერცხი ათქვიფე 200 გ შაქართან ერთად. დაამატე წყალი, 150 გ ფქვილი, გამაფხვიერებელი და მოზილე რბილი ცომი. გადაიტანე პერგამენტიან საცხობ ფორმაზე და გამოაცხე 180 გრადუსზე ნახევარი საათის მანძილზე.
5. სანამ ბისკვიტი ცხვება, ათქვიფე კვერცხის ცილა დარჩენილ შაქართან ერთად მდგრადი ქაფის წარმოქმნამდე. დაამატე დარჩენილი ფქვილი და კვლავ კარგად ათქვიფე. ჩაყარე მოხალული და დაჭრილი ნიგოზი და აურიე.
6. იმავე ზომის საცხობ ფორმას დააფინე პერგამენტი და გადაიტანე მასზე ცილისა და ნიგვზის მასა. გამოაცხე 180 გრადუსზე 25 წუთის მანძილზე.
7. მინანქრის მოსამზადებლად შოკოლადი გაადნე დარჩენილ კარაქთან ერთად.
8. გამომცხვარი ცომი გაჭერი ორ ნაწილად. ქვედა ფენას წაუსვი კვერცხის გულის კრემი, დაადე მასზე გამომცხვარი ცილის ფენა, წაუსვი დარჩენილი კრემი და დააფარე ბისკვიტის მეორე ნაწილი. მოასხი შოკოლადის მინანქარი და მოაყარე ნუშის ფანტელი. შედგი მაცივარში მინიმუმ 6 საათით.
ამის შემდეგ ნამცხვარი დაჭერი საპორციო ნაჭრებად და მიიტანე სუფრასთან.
გემრიელ ჩაის სმას გისურვებთ! ეს რეცეპტი კი გაუზიარეთ თქვენს ახლობლებსაც!
