ბევრი დიასახლისი უშვებს შეცდომას ბოსტნეულის ხარშვის დროს. აუცილებლად გაითვალისწინეთ მისი ზომა. ეს ერთ-ერთი უმნიშვნელოვანესი ნაწილია მისი ხარშვის

მრავალ ჩვენგანს უყვარს სხვადასხვა სალათა. მათი აუცილებელი ინგრედიენტი კი ხშირ შემთხვევაში ბოსტნეულია, ზოგჯერ ორი და სამნაირიც კი. იმისთვის, რომ მეტი სარგებელი მივიღოთ სალათისგან და ამავე დროს, იოლად მოვამზადოთ ის, საჭიროა ვიცოდეთ ბოსტნეულის სწორად მოხარშვის წესები.

ყურადღება უნდა მივაქციოთ შემდეგ საკითხებს:

ბოსტნეულის ხარშვის დრო

ძალიან მნიშვნელოვანია დავინიშნოთ ბოსტნეულის ხარშვის დრო. სხვადასხვა ბოსტნეულისთვის ეს მაჩვენებელი განსხვავებულია. მაგალითად, საშუალო სტაფილოს მოსახარშად საკმარისია წყლის ადუღებიდან 20 წუთი, ჭარხლისთვის – 50 წუთი, კარტოფილისთვის კი დაახლოებით 25 წუთი.

ბოსტნეულის ზომა და ფორმა

თუ აპირებ ბოსტნეულის ჯერ მოხარშვას და შემდეგ გაფცქვნას, უნდა შეარჩიო საშუალო და თანაბარი ზომის ბოსტნეული. უსწორმასწორო ზედაპირის მქონე ბოსტნეული კი უმჯობესია უმ მდგომარეობაში გაიფცქვნას.

 

ცეცხლის სიმძლავრე

ხშირი შეცდომაა ბოსტნეულის ხარშვა მაღალ ცეცხლზე. უმჯობესია წყლის ადუღების შემდეგ გაზს ჩაუწიო, თორემ ბოსტნეული გადაიხარშება.

ტემპერატურის შეცვლა

მოხარშვის დამთავრებისთანავე ბოსტნეულს გადაავლე ცივი წყალი ან მოათავსე ცივ ყინულიან წყალში. ასე მისი გაფცქვნა გაცილებით იოლი გახდება.

სამზარეულოს პარკი

ეს მეთოდი გააიოლებს მოხარშული ბოსტნეულის გაფცქვნის პროცესს. როგორც კი მას ცივ წყალს გადაავლებ, მოათავსე სამზარეულოს პაკეტში ან პოლიეთილენის პარკში. ასეთ მდგომარეობაში გაციებული ბოსტნეული უფრო იოლად იფცქვნება.

ქერქის დასერვა

ეს მეთოდი ეფექტურია კარტოფილის შემთხვევაში. მოხარშვამდე ბოლქვები კარგად გარეცხე და შუაში წრიულად გადასერე დანით. ხარშვის დამთავრების შემდეგ ის ეგრევე იფცქვნება.

ამ მარტივი მეთოდების გამოყენებით თქვენ ბევრ დროს დაზოგავთ და ბოსტნეულთან მუშაობაც ბევრად უფრო სახალისო გახდება. მოამზადეთ საყვარელი სალათები და გაუზიარეთ ეს ხრიკები თქვენს მეგობრებსაც!