დედამ ეს რჩევები ბავშვობაში მომცა და მას შემდეგ ცხოვრებაში უამრავჯერ გამომადგა. მადლობა დედა.


1. საკუთარ თავზე ზრუნვა ეგოისტობა არ არის

ყოველთვის გამოძებნეთ დრო თქვენი დასვენებისთვის, გაიკეთეთ მასაჟი, იკითხეთ წიგნები და უბრალოდ წაუძინეთ. მენტალურ სიჯანსაღეზე ზრუნვა არ ნიშნავს ეგოისტობას, ზოგჯერ საკუთარი კეთილდღეობისთვის თქვენი მოთხოვნები უნდა დააყენოთ სხვებზე წინ.

2. იყავი შენ თავთან მართალი

უნდა იცოდეთ რა არის თქვენი ძლიერი მხარეები და რას აქვს უდიდესი მნიშვნელობა თქვენი ბედნიერებისათვის. წლების განმავლობაში ბევრი ადამიანი ისეთი რამის გაკეთებას გთხოვთ, რაც თქვენ ნამდვილ მეს სრულიად არ მოსწონს. ყოველთვის გადადგით ისეთი ნაბიჯები, რაც თქვენს პიროვნებას წაადგება.

3. არავინაა იდეალური

ყველას შეიძლება ჰქონდეს რაიმე ნაკლი. ეს შეიძლება იყოს ფიზიკური დეტალი ან მენტალური დაავადება. საჭიროა მივიღოთ ისინი ისეთები, როგორებიც ბუნებამ გააჩინა, რადგან ჩვენ ყველანი ადამიანები ვართ და თუკი დავეცემით, წამოდგომაც უნდა შეგვეძლოს.

4. ცხოვრება პოპულარობის კონკურსი არ არის

თქვენი მეგობრობის წრე წლების განმავლობაში აუცილებლად შეიცვლება და ზომას შეიცვლის. ზოგჯერ შეიძლება აღმოაჩინოთ, რომ ერთ დროს ახლო მყოფ ადამიანთან, ახლა საერთო აღარაფერი გაქვთ და ამიტომ უმჯობესი იქნება თუ მასთან ტყუილად აღარ გააგრძელებთ ურთიერთობას. ყოველთვის თამამად შეხვდით ახალი მეგობრების გაცნობის პერსპექტივას, თუმცა გახსოვდეთ, რომ წარმატებული ცხოვრება მეგობრების რაოდენობის მიხედვით არ იზომება.

5. აკეთე რაც გიყვარს

ენთუზიაზმითა და თავდადებული შრომით ძალიან ბევრის მიღწევაა შესაძლებელი. ყოველთვის გამოიყენეთ თქვენი ძლიერი მხარეები ბოლომდე და არ მისცეთ თქვენს ოცნებებს დარჩნენ აუხდენელ წარმოდგენებად. ხშირად ბავშვობის დროინდელი ამბიციები სწორედ საოცნებო კარიერულ გზაზე გვაყენებს, ამიტომაც აირჩიეთ ის საქმე, რასაც გულით გააკეთებთ და ამით ყოველთვის გექნებათ ბედნიერების განცდა.

6. ენდეთ თქვენს თავს

აუცილებლად გექნებათ ისეთი მომენტები, როდესაც საკუთარი თავის შესაძლებლობებით დაეჭვდებით. გახსოვდეთ, რომ

7. თქვენ არ ხართ მარტო

თუ ცხოვრებაში დიდ წინაღობას გადააწყდებით, ან რაიმე სახის პრობლემა შეგექმნებათ, გახსოვდეთ რომ მარტო არ ხართ. თქვენ ყოველთვის გყავთ გვერდით მინიმუმ დედა, რომელსაც შეგიძლიათ დარდი გაუზიაროთ და დახმარება სთხოვოთ. მნიშვნელობა არ აქვს 16 წლის ხართ თუ 50–ის.

8. საკუთარი ბედნიერება მხოლოდ შენზეა დამოკიდებული

ძვირფასი მანქანა და სახლი ბედნიერებას წამით მოგიტანთ, მისი შენარჩუნება კი თქვენს შინაგან მდგომარეობაზეა დამოკიდებული. ნუ ეცდებით დაიხარჯოთ ზედმეტად იმ მატერიალური რესურსებისთვის, რისი ჩანაცვლებაც ოჯახური სიყვარულითა და შვილებთან გატარებული დროით შეგიძლიათ. იყავით პასუხისმგებელი საკუთარ გრძნობებზე და იფიქრეთ მათ გამდიდრებაზე.

მსგავსი სიახლეები