იტალიური მედიის ცნობით, რომის ჩამპინოს აეროპორტში საქართველოს მოქალაქემ ხანძარი გააჩინა. ის საკონტროლო კოშკში შეიჭრა და ცეცხლი წაუკიდა, რის შედეგადაც კოშკის ევაკუაცია განხორციელდა. ამ ინციდენტის გამო აეროპორტმა დროებით შეაჩერა ფრენები და მგზავრების მიღება. ადგილობრივმა პოლიციამ ქართველი მამაკაცი დააკავა. წინასწარი გამოძიებით, ტერორიზმი გამოირიცხა და ვარაუდობენ, რომ დაკავებულს ფსიქიკური პრობლემები აქვს.
აღსანიშნავია, რომ მსგავსი შემთხვევა 2019 წლის თებერვალშიც მოხდა, როდესაც ჩამპინოს აეროპორტში ხანძარი გაჩნდა, რის გამოც მგზავრების ევაკუაცია განხორციელდა და ფრენები დროებით შეჩერდა.
ამჟამად, სამართალდამცავი ორგანოები აგრძელებენ გამოძიებას და დამატებითი დეტალების გასარკვევად მუშაობენ.
