რომელი ვარჯიშებით ჩავანაცვლოთ მომაბეზრებელი და დამღლელი სირბილი?

ყველამ ვიცით, რომ სირბილი ჯანმრთელობისთვის სასარგებლოა. კუნთები ამ დროს საუკეთესოდ ვარჯიშდება. მაგრამ, ყველას არ აქვს ზედმეტი დრო რომ ირბინოს. მათთვის არსებობს ვარჯიშები, რომლებიც სირბილს ცვლის. ამას ტამირა შეიხი გვიზიარებს.

ეფექტური ვარჯიშები მამაკაცებისთვის

სავარჯიშოთა ეს კომპლექსი შექმნილია იმისთვის, რომ სხეული ენერგიით შეავსოთ და კუნთები ისევე გაავარჯიშოთ, როგორც სირბილის დროს. ამასთან, ძალიან სასარგებლოა მამაკაცებისთვის. რეგულარული ვარჯიშებით პრობლემებს მარტივად გაუმკლავდებით. ისინი პოტენციასაც ამაღლებენ და ძალითაც გავსებენ.

ეს არ ნშნავს იმას, რომ ქალებს არ გამოადგებათ. ვარჯიშები უნივერსალურია – ყველას სარგებლობას მოუტანს. დაგეხმარებათ დაიკლოთ წონა და სხეული ტონუსში ამყოფოთ.

თავდაპირველად კუნთები უნდა გაახუროთ. შემდეგ სუნთქვითი ვარჯიშები ჩაატაროთ: 10 ღრმა ჩასუნთქვა და ამოსუნთქვა მაქსიმალურად სწრაფად.

ვარჯიში 1: «მხედარი»
ფეხები მაქსიმალურად ფართოდ დადგით, ზურგი მოადუნეთ, ხელები სხეულის გასწვრივ. შემდეგ მუხლებში მოიხარეთ რამდენზეც შეგიძლიათ.

მაქსიმალურად დაჭიმეთ მენჯი, უკანალი და ფეხები. ზურგი და კისერი სწორად უნდა გქონდეთ. ყველაფერი მოადუნეთ მენჯის და უკანალის კუნთების გარდა. ხელები შეგიძლიათ მხრებზე დაიწყოთ. გაჩერდით ამ მდგომარეობაში 1 წუთი მაინც. შეგიძლიათ დაიწყოთ 40 წამით და დროდადრო გაზარდოთ.

დაისვენეთ და შემდეგ ცოტა გაართილეთ. წინა მდგომარეობა გაიმეორეთ და ნელა ჩაჯექით, რამდენიმე წამი გაჩერდით და ნელა აიწიეთ. რამდენიმეჯერ გაიმეორეთ. ცოტახანი დაისვენეთ.

სავარჯიშო 2: «სკამი»
ფეხები შეატყუპეთ, ხელები წინ გაწიეთ. მაქსიმალურად ჩაჯექით, თითქოს სკამზე ჯდებით. ეცადეთ ხერხემალი დაჭიმოთ. როგორც წინა სავარჯიშოში, დაჭიმეთ მენჯი და კუდუსუნი, ზურგი და კისერი სწორად უნდა იყოს. გაჩერდით 1 წუთამდე.

შეისვენეთ და გართულებული ვარიანტი სცადეთ. ამ მდგომარეობაში ნელა ჩაჯექით და ნელა ადექით. 20 წამი ჩაჯდომაზე გამოიყენეთ, 20 წამი ადგომაზე.

ვიდეოში ყველაფერს დაწვრილებით ყვება: