დღესასწაულებამდე მომენტალურად დავიკელი 3 კილო და არცერთი გრამი არ მომიმატებია მას შემდეგ!


ახლა ჯადოქრობის მოწმე გახდებით – გაიგებთ როგორ გახდეთ სწრაფად და ეფექტურად. თუ ჩვენს წესებს დაიცავთ, დღესასწაულების პერიოდში არცერთ ზედმეტ კილოგრამს არ მოიმატებთ და გახდომასაც დაიწყებთ.

როგორ არ გადავაჭარბოთ ჭამას

ხშირად გადაჭარბებული კვება საჭმლის მიმართ ფსიქოლოგიურ დამოკიდებულებაზე და ჩვევებზეა დამოკიდებული, რომლებსაც ბავშვობაში გვინერგავდნენ: თუ ბოლომდე არ შეჭამ, უშნო გაიზრდები! ასევე, გადაჭარბებულ კვებას მიმართავენ ისინი, ვინც ვიტამინების და სასარგებლო მიკროელემენტების დეფიციტს განიცდის. ამიტომაც, რეგულარულად მოიხმარეთ ხილი, განსაკუთრებით ლიმონი, კივი და ბანანი.

სასარგებლო რჩევები

კეფირი დარიჩინით

იქამდე, სანამ სუფრასთან დაჯდებით, 1 ჭიქა უცხიმო კეფირი მიირთვით, რომელსაც 1 ჩ.კ. დარიჩინს დაუმატებთ. სურნელი მადას დაგიცხრობთ, კუჭს გაავსებს და შიმშილის გრძნობას გაგიქრობთ. თუ კეფირი არ გიყვართ, იოგურტით ჩაანაცვლეთ.

მწვანე თეფში

თეფშზე სალათის ფურცელი მოათავსეთ, ყოველთვის მოგეჩვენებათ, რომ ის სავსეა და ზედმეტის გადმოღება აღარ მოგინდებათ. ამასთან, სალათის ფურცელი არ გმატებთ კალორიებს და სასარგებლო ელემენტებს შეიცავს. საინტერესო ხერხია გაშალოთ ის მთელ თეფშზე და მხოლოდ ცარიელი ადგილი შეავსოთ საჭმლით, ბოლოს კი ისიც დააყოლოთ.

ჯანსაღი სუნთქვა

ამაში კბილის პასტა და ჯაგრისიც დაგეხმარებათ. ზედმეტის მირთმევის შეგრძნების შემდეგ დიეტოლოგები კბილების გამოხეხვას ან საღეჭი რეზინის დაღეჭვას გვირჩევენ. საკვების ნაწილაკები, რომლებიც კბილებში რჩებიან, გემოს რეცეპტორებს ეხებიან და კიდევ მოგვიწოდებენ მივირთვათ.

ქამარი წელზე

წვეულებაზე წასვლისას გაიკეთეთ მოდური ქამარი. როცა ჭამას დაიწყებთ, ის შემოგეჭდობათ და სიგნალს მოგცემთ: “მორჩა, საკმარისია”. თუ კაბის ქვეშ ქამარს ვერ იკეთებთ, ძაფი სცადეთ.

ჯადოსნური მოწყობილობები

ეცადეთ დანა მიუჩვეველ ხელში დაიჭიროთ. ეს არაკომფორტული იქნება და ნაკლებსაც მიირთმევთ. ასევე, ყურადღებას მიაქცევთ სხვა რამეებს და საკვების რაოდენობაც გაკონტროლდება.

ეს ოქროს წესებია მათთვის, ვინც ფიგურას უფრთხილდება. შეგიძლიათ ყოველდღე გამოიყენოთ და შედეგი გაგაოცებთ. თანაც, ამ დროს ყველაფრის ჭამა შეგიძლიათ, რაც კი მოგესურვებათ.

კიდევ ერთი პატარა ხერხი(პირველი პუნქტის გათვალისწინებით): დარიჩინის ეთერული ზეთის რამდენიმე წვეთი ხელსახოცზე დააპკურეთ და ვახშმის დროს გადაჭარბებულ ჭამას გადაურჩებით. მისი არომატი ამის გარანტიას იძლევა, რადგანაც მადას აქრობს.

მსგავსი სიახლეები