თუ კბილები გიფუჭდებათ, ადვილად იღლებით და ოფლიანობთ, D ვიტამინი გჭირდებათ. აი როგორ შეივსოთ ორგანიზმი.

«მეტი ისერინე მზეზე, შეივსე ვიტამინი D-თი», — ეს ფრაზა ბავშვობაში ხშირად გაგვიგონია. მიზეზებს შორის, რომლის გამოც ორგანიზმს ის აკლია, მზეზე არასაკმარისი დროის გატარების გარდა, ორგანიზმში ასაკობრივი ცვლილებები, ღვიძლის პრობლემები და დაუბალანსებელი კვებაა.

რისთვის გვჭირდება ვიტამინი D

პირველ რიგში, ის ბავშვებში რაქიტის პროფილაქტიკის უებარი საშუალებაა.

დღეს ბიოლოგიურად აქტიური ნივთიერებების მთელი ჯგუფი არსებობს, რომლებსაც საერთო სახელწოდება ვიტამინი D აქვთ. ისინი ადამიანის ორგანიზმში ცხოველური წარმოშობის საკვებით ხვდებიან. ვოტამინ D2-ს მხოლოდ საკვებიდან ვიღებთ.

ორგანიზმში ვიტამინი D-ს მთავარი მისია კალციუმის და ფოსფორის ცვლის რეგულირებაა, რომელიც გავლენას ახდენს კბილების, კუნთების, ძვლების ჯანმრთელობაზე. მისი ნაკლებობა ოსტეოპოროზს იწვევს.

მისი ერთ-ერთი უმნიშვნელოვანესი ფუნქცია კატელიციდინის გამომუშავებაა, რომელიც ორგანიზმს ანთებისგან და ინფექციებისგან იცავს.

ცნობილია, რომ ვიტამინი D დოფამინის სინთეზში მონაწილეობს. მისი ნაკლებობა ადამიანის ფსიქიკურ მდგომარეობაზე აისახება და შესაძლოა გამოიწვიოს დეპრესია და მუდმივი დაღლილობა. განსაკუთრებით შემოდგომასა და ზამთარში.

Google-ის ტექნიკური დირექტორის და ცნობილი ფუტუროლოგის, რეიმონდ კურცვეილის თქმით, ვიტამინი D ერთ-ერთი მთავარი პრეპარატია დაბერების წინააღმდეგ.

ვიტამინი D-ს გამოყენების ნორმები

სხვადასხვა ქვეყანაში სხვადასხვა ნორმებია მიღებული. ამერიკული სამედიცინო ინსტიტუტის მიერ, სხვადასხვა ასაკისთვის დოზები შემდეგნაირად ნაწილდება:

  1. 1 წლამდე — 400 МЕ, მაქსიმალური უსაფრთხო დოზა — 1000–1500.
  2. 13 წლამდე — 600 МЕ, მაქსიმალური უსაფრთხო დოზა — 2500–4000.
  3. 14–18 წლამდე — 800 МЕ, მაქსიმალური უსაფრთხო დოზა — 4000.
  4. 19–70 წლამდე — 600 МЕ, მაქსიმალური უსაფრთხო დოზა — 4000.
  5. 71 და ზევით — 800 МЕ, მაქსიმალური უსაფრთხო დოზა — 4000.

600 ეს არის მაგალითად 100-200 გ ორაგული ან 20 კვერცხის გული.

ვიტამინი D-თი მდიდარი პროდუქტები

თევზის ქონი
ერთ-ერთი უძველესი საკვები დანამატი, რომელიც შეიცავს ვიტამინს, ომეგა სამს და ომეგა ცხრას.

მას პროფილაქტიკისთვის კაფსულების სახითაც იღებენ.

ის გამოდგება ინსულტის, ინფარქტის, ათეროსკლეროზის პროფილაქტიკისთვის. აძლიერებს იმუნურ სისტემას, აუმჯობესებს ტვინის მუშაობას, გეხმარებათ სტრესის და დეპრესიის დაძლევაში.

ამ დანამატის 100 გრამში 10000-დან 16000-მდე МЕ-ა.

ცხიმიანი ქაშაყი
ბიუჯეტურობასთან ერთად, ეს ყველაზე სასარგებლო თევზია. ქაშაყი გრიპის და გაციების პროფილაქტიკისთვის მისწრებაა. მასში ამინომჟავა შედის, რომელსაც ანტივირუსული მოქმედება აქვს, განსაკუთრებით შემოდგომასა და ზამთარში. რა თქმა უნდა, დიდი რაოდენობით ვიტამინ D-ს შეიცავს.

ორაგული
სტანდარტულ პორციაში 700 ME-ა.

ვირთევზას ღვიძლი
ის თევზის ქონის წყაროა, მდიდარი ვიტამინებით A და D, ასევე ომეგა 3-ით. 100 გრამ პორციაში 500 ME-ა.

ეს ვიტამინები პირველად სწორედ ვირთევზას ღვიძლში აღმოაჩინეს.

წითელი ხიზილალა
მის შემადგენლობაშია ვიტამინები A,B,C, D და ბევრი მინერალი. 100 გრამ პროდუქტში 120 ME-ა.

საქონლის ღვიძლი
ის უამრავ მინერალურ ნივთიერებას და ვიტამინს შეიცავს.

არაჟანი, მაგარი ყველი
შედარებით ნაკლები რაოდენობის ვიტამინი D – 4-დან 40-მდე.

ნაღების კარაქი
დაუმატეთ ის პროდუქტებს და გაზრდით ვიტამინი D-ს რაოდენობას მიღებულ პორციაში.

ქათმის კვერცხი
ის ყველაზე იაფი წყაროა. მაქსიმალური კონცენტრაცია გულშია მოქცეული.

ხორცი
ვიტამინი D-ს 10-15 ME.