ზაპოროჟიეზე რუსეთის ძალების ავიაიერიშს 13 ადამიანი ემსხვერპლა
რუსეთის სამხედრო ძალების მიერ ზაპოროჟიეზე განხორციელებულ იერიშს 13 ადამიანი ემსხვერპლა, ხოლო 18 დაიჭრა. დაშავებულთაგან ოთხის მდგომარეობა მძიმეა. ინფორმაციას ზაპოროჟიეს საოლქო სამხედრო ადმინისტრაციის ხელმძღვანელი, ივან ფედოროვი, ავრცელებს.
იერიშის დეტალები
ფედოროვის თქმით, რუსმა სამხედროებმა ქალაქზე დარტყმა ორი მართვადი საავიაციო ბომბის გამოყენებით განახორციელეს. იერიშის მთავარი სამიზნე შევჩენკოვსკის რაიონი აღმოჩნდა, სადაც იერიშმა მნიშვნელოვანი ნგრევა გამოიწვია.
დაზიანდა სამარშრუტო ტაქსი, ტრამვაი და მრავალსართულიანი საცხოვრებელი შენობა. ადგილზე გადაღებული კადრები აჩვენებს განადგურებულ ინფრასტრუქტურას და სამაშველო სამსახურის მუშაობას.
