თბილისში, რუსთაველის გამზირის მიმდებარედ, ფურცელაძის ქუჩაზე ხანძარი გაჩნდა იტალიური ტიპის საცხოვრებელი სახლის ერთ-ერთ ოთახში.
ადგილზე მობილიზებული იყვნენ საგანგებო სიტუაციების მართვის სამსახურის თანამშრომლები, რომლებმაც ცეცხლის ლიკვიდაცია დროულად მოახერხეს. მათივე ინფორმაციით, ინციდენტის შედეგად არავინ დაშავებულა.
ხანძრის გამომწვევი მიზეზი ამ ეტაპზე უცნობია. უსაფრთხოების მიზნით, ხანძრის დროს რუსთაველის გამზირზე დროებით გაითიშა ელექტროენერგია, რაც დამატებითი სიფრთხილის ზომას წარმოადგენდა. აღნიშნულთან დაკავშირებით “თბილსერვის ჯგუფმა” განცხადება გაავრცელა და მოსახლეობას შექმნილი დისკომფორტისთვის ბოდიში მოუხადა.
მომხდარმა ინციდენტმა ადგილობრივ მოსახლეობაში დროებითი პანიკა გამოიწვია, თუმცა სამსახურების კოორდინირებული მუშაობის შედეგად სიტუაცია მალევე სტაბილურდა.
