13 დეკემბრიდან საქართველოს თითქმის მთელ ტერიტორიაზე ამინდი გაუარესდა, თოვლი მოვიდა როგორ თბილისის შემოგარენში, ასევე რეგიონების ნაწილში.
უღელტეხილზე თოვს და ნისლია. იქ მყოფი მოქალაქე სოციალურ ქსელში წერს:
“რიკოთზე წამოსვლას მოერიდეთ, საცობია, საწმენდი მანქანები ვერ დადიან რომ გაწმინდონ. სატვირთოები გაჩერებულები ვართ არ გვიშვებენ და პატარა მანქანების მოძრაობაც შეფერხებულია. თუ საბურავი არ გივარგათ, ნუ გარისკავთ წამოსვლას!”
ბათუმში ძლიერი ქარისა და წვიმის შედეგად, სხვადასხვა ქუჩაზე რამდენიმე საცხოვრებელი კორპუსის სახურავი დაზიანდა.
თუნუქის ნარჩენები, კორპუსის ეზოში გაჩერებულ ავტომობილებს დაეცა და დააზიანა.
უამინდობის გამო გაუქმდბა 14 დეკემბერს აღმოსავლეთ საქართველოდან დასავლეთისკენ და დასავლეთიდან აღმოსავლეთისკენ მიმავალი სამგზავრო მატარებლების რეისები. როგორც რკინიგზის მიერ გავრცელებულ განცხადებაშია ნათქვამი, ბილეთის საფასური მგზავრებს სრულად აუნაზღაურდებათ და რკინიგზის სალაროებსა და კომპანიის ვებგვერდზე შეძენილი ბილეთების დაბრუნება მოხდება საქართველოს რკინიგზის სალაროებში 10 დღის ვადაში.
14 დეკემბრის ამინდის პროგნოზი ქალაქების მიხედვით:
გაგრა 2° – მზიანი
სოხუმი 3° – მზიანი
ზუგდიდი 4° – უმეტესად მზიანი
მესტია -10° – მზიანი
ფოთი 5° – წვიმა
ბათუმი 4° – თოვლი
ოზურგეთი 3° – თოვლი
ქუთაისი 3° – უმეტესად ღრუბლიანი
ამბროლაური -2° – მზიანი
ახალციხე -4° – თოვლი
ბორჯომი -7° – თოვლი
ბაკურიანი -10° – თოვლი
გორი -3° – უმეტესად ღრუბლიანი
ცხინვალი -4° – უმეტესად მზიანი
სტეფანწმინდა -13° – უმეტესად ღრუბლიანი
გუდაური -16° – უმეტესად მზიანი
თელავი 0° – მზიანი
რუსთავი 2° – მზიანი
თბილისი 0° – უმეტესად ღრუბლიანი
