ახალ დაბადებული ტელეპატები
Notepad.Ge
ახლახანს ჩატარებული გამოკვლევებით გაირკვა, რომ მიუხედავად იმისა, რომ ახალ დაბადებულებს არ შეუძლიათ საუბარი, მათ სხვა უნარები აქვთ განვითარებული. ისეთი უნარი როგორიცაა მაგალითად გარშემო მყოფი ადამიანების აზრების კითხვა.
ამ პროექტის ხელმძღვანელი არის ცნობილი იაპონელი მეცნიერი იან ლოუ. მისი აზრით ადამიანებს წესით დიდი ხნის წინ უნდა აღმოეჩინათ ადამიანის ეს უნარი. თუმცა მანამდე ამით არავინ არ დაინტერესებულა. ამ ეტაპამდე ყველაზე დიდი ამბავი, რომელიც ყველგან გავრცელდა იყო ის, რომ ახალშობილებს 40 ენაზე გამოთქმული სიტყვები ესმით ერთ თვემდე. ჩნდება კითხვა, თუ რა საჭიროა, რომ ბავშვს შეუძლია აზრების გამოცნობა. საქმე იმაშია, რომ ასეთ პროცესებში ბუნება აქტიურად არის ჩაბმული. მეცნიერების აზრით ასეთი უნარი ადამაანს დაბადებისთანავე ეხმარება საზოგადოებაში დამკვიდრებაში.
განაგრძე კითხვა: Read More
სუიციდის წინასწარ გამოთვლა
Notepad.Ge
ამერიკელებმა კელი პოსნერთან ერთად შეგქმნეს ტესტი, რომელიც ეხმარება ექიმებს გაიგონ, თუ როდის აპირებს ადამიანი სუციდის ჩატარებას. ექსპერიმენტში მონაწილეობა სხვადასხვა ტიპის ადამიანებმა მიიღეს. ესენი იყვნენ: 124 ახალგაზრდა, რომლებსაც ჰქონდათ სუიციდის მცდელობა, 312 ადამიანი, რომელსაც მძიმე დეპრესია აქვთ და 237 ზრდასრული ადამიანი, რომლებმაც სუიციდზე ფიქრის გამო ფსიქოლოგთან დაიწყეს სიარული.
ექიმები ამ ადამიანებს დაახლოებით ნახევარი წლის განმავლობაში აკვირდებოდნენ. მათ შექმნეს ათ ბალიანი სისტემა, რომლის საშუალებითაც ისინი აფასებდნენ რისკის შემცველ სიტუაციებს ამ ადამიანების ცხოვრებაში.
საბოლოო შედეგების თანახმად სუიციდის მცდელობის გამოცნობა 45%-ით ემთხვეოდა. ცხადია მათ არ მისცეს ადამიანებს საშუალება, რომ მათ თავი მოეკლათ, თუმცა ისინი იწერდნენ და აღრიცხავდნენ ყოველ მომენტს, როდესაც სიტუაცია კრიტიკული იყო.
ექიმების აზრით შესაძლებელია ასეთი ადამიანების გამოსწორება. მათი ხასიათის და ფსიქოლოგიის შეცვლა ეგრედ წოდებული სქრინინგული თერაპიებით არის შესაძლებელი. სუიციდი მსოფლიო პრობლემაა და იგი ყველაზე დიდ პრობლემას სადაზღვევო კომპანიებს უქმნის. 2011 წლის სტატისტიკის თანახმად ამერიკის შეერთებულ შტატებში სუიციდი რიგით მეათე სიკვდილის ვარიანტი იყო. ხოლო სუიციდით გარდაცვლილთა რიცხვი 34598 ადამიანს შეადგენს. საშუალო მაჩვენებელი 100000 ადამიანზე 11.3 გარდაცვლილი იყო. Read More
ბრინჯისგან მიღებული სისხლი
Notepad.Ge
მაშინ როდესაც მთელი მსოფლიოს მეცნიერები ცდილობენ გენეტიკურად შექმნილი სისხლი მიიღონ, იაპონელები ისევ და ისევ ბრინჯს მიმართავენ მოცემული პრობლემის გადასაჭრელად. ცნობილი ფაქტია და ყველამ იცის, რომ იაპონელები ტვინით არც ერთ ერს არ ჩამოუვარდებიან. მათ მოახერხეს და შექმნეს ისეთი ბრინჯის სახეობა, რომელიც ალბინოლს შეიცავს. ალბინოლი ერთ-ერთი მთავარი ელემენტია სისხლის შესაქმნელად. იაპონელი მეცნიერების აზრით მათ უკვე გააჩნიათ შესაბამისი ტექნოლოგიები, რათა აწარმოონ ბრინჯისგან სისხლი, რომელიც მომავალში დონორის ფუნქციას გამოუყენებელს გახდის. ადამიანები ხელოვნურ სისხლს გადაისხავენ საჭიროების შემთხვევაში.
დონორის სახით მიღებული სისხლი ძალიან ბევრი პრობლემის მოგვარებაში ეხმარება ავადმყოფ ადამიანს. თუმცა ამ ყველაფერთან ერთად არის იმის საშიშროება, რომ სისხლის გადასხმის პროცესში ადამიანმა ვირუსული ინფექცია აიკიდოს. ამ ყველაფერს რომ თავი დავანებოთ არც თუ ისე ბევრი ადამიანი თანხმდება იმაზე, რომ გახდეს დონორი და ჩააბაროს სისხლი. პრობლემა იმაშია, რომ ყველას არ ეყოფა სისხლი.
როგორც ყოველთვის მეცნიერები ჯერ ცდებს ცხოველებზე ატარებენ, ხოლო შემდეგ გამოცდიან ადამიანებზე. მეცნიერებმა ხელოვნურად შექმნილი სისხლი გამოცადეს დაავადებულ თაგვებზე. ექსპერიმენტმა წარმატებით ჩაიარა და თაგვები განიკურნენ.
დედამიწის 70% არასექსუალურია
Notepad.Ge
ამერიკის სახელმწიფო უნივერსიტეტის მეცნიერებმა დაამტკიცეს, რომ ადამიანის სექსუალურობა და შარმი დამოკიდებულია მის გენეტიკაზე. აღმოჩნდა, რომ დედამიწის მოსახლეობის მხოლოდ 30%-ს გააჩნია ეს გენი, რომელიც პასუხისმგებელია მათ სექსუალურობაზე.
მეცნიერებმა 148 სტუდენტი დაითანხმეს ექსპერიმენტში მონაწილეობაზე. მათ სხვადასხვა კითხვები და ტესტური ამოცანები გააკეთებინეს. ყველა მათგანს ჰკითხეს ერთი და იგივე კითხვა, თუ რამდენად ხშირად უნდებათ მათ სექსი.
აღმოჩნდა, რომ სექსუალური აქტივობით დაკავებულია სტუდენტთა ის რიცხვი, რომლებსაც ორგანიზმში D4 გენეტიკური კოდი გააჩნია. გაირკვა, რომ მხოლოდ 30%-ს აქვს ადამიანების ეს გენეტიკური კოდი. Read More
ევოლუციამ მეექვსე გრძნობა გააქრო
Notepad.Ge
ბიოლოგები, რომლებიც ევოლუციის განხრით მუშაობენ, 25 წლის მანძილზე ცდილობდნენ დაემტკიცებინათ ვარაუდი, რომ ადამიანებს ადრე მეექვსე გრძნობა გააჩნდათ. სულ რამდენიმე დღის წინ ჩატარებულ სპეციალურ პრესკომფერენციაზე კემბრიჯის უნივერსიტეტის ბიოლოგებმა ეს დაამტკიცეს. მათი აზრით ჩვენს წინაპრებს ჰქონდათ უნარი, დაენახათ ელექტრო ენერგიის სხივები და სხვა დანარჩენი რისი შეგრძნებაც მეექვსე გრძნობის საშუალებით იყო შესაძლებელი.
დაახლოებით 65 ათას სახეობას, მათ შორის ადამიანსაც ყავდა წინაპარი, ამრიგად გამოდის, რომ ადამიანის გარდა ცხოველებსა და ზღვის ბინადრებსაც გააჩნდათ მეექვსე გრძნობა. დაახლოებით ხუთი მილიონი წლის წინ არსებობდა თევზი, რომელსაც გააჩნდა ძლიერი კბილები და ელექტრო ენერგიის გამოცემის უნარი. ეს უკანასკნელი რაც ვახსენე მას მხედველობაში და ნადირობაში ეხმარებოდა.
სწორედ ამ მტაცებელი თევზის დამსახურებაა, რომ დღესდღეობით მრავალი სახეობის თევზი არსებობს. მიუხედავად ამ გასული დროისა, ზოგიერთ წყლის ბინადარს დღესაც შემორჩენილი აქვს მისი წინაპრის ფუნქცია, გამოსცეს ელექტროობა და ისე მოკლას მისი ნადავლი.
რამდენიმე მილიონი წლის წინ, მაშინ როდესაც მოხდა ბოლო ევოლუცია, თევზების სახეობები ორ ჯგუფად გაიყო. აქედან ერთი ნაწილი ისევ წყალში დარჩა, ხოლო მეორე ნაწილმა შეიძინა უნარი, ეცხოვრა წყლის გარეშე. ანუ ისინი წლიდან ამოვიდნენ და ხმელეთზე დასახლდნენ.
ორგანიზმს გააჩნია მაღვიძარა
Notepad.Ge
მეცნიერებმა აღმოაჩინეს, რომ ადამიანში არის რაღაც ელემენტი, რომელიც თავისებურად მაღვიძარას ფუნქციას ასრულებს და ყოველ დილით ადამიანს აფხიზლებს. მეცნიერები დიდი ხანია რაც ადამიანის ბუნებრივ ანუ ბიოლოგიური საათის შესწავლას ცდილობენ, თუმცა დღესდღეობით მაინც არ არის მოცემული მისი მუშაობის პრინციპი და მონახაზი. სულ რამდენიმე დღის წინ ალბერტ აინშტაინის სახელობის უნივერსიტეტში აღმოაჩინეს დეტალი, რომელიც ბიოლოგიური საათის მთავარ ნაწილად ითვლება.
საჩინანდა პანდა არის ადამიანი, რომელმაც პირველად შეძლო JARID1a ელემენტის გამოყოფა. ცნობილია, რომ სწორედ ეს ელემენტი იწვევს ადამიანში გაღვიძებას და გამოფხიზლებას. მან ჩაატარა ექსპერიმენტი, რომლის საფუძველზეც გაირკვა, რომ JARID1a-ის გარეშე ბიოლოგიური საათი ვერ ფუნქციონირებდა ნორმალურად. ანუ იგი შესაბამისი ძალების მოკრებას ვერ ახერხებდა მის გარეშე. ეს ექსპერიმენტი პანდამ ბუზებზე ჩაატარა. შედეგად მიიღო ისეთი მფრინავი არსებები, რომლებმაც არ იცოდნენ როდის უნდა დაეძინათ და ქაოსურად იქცეოდნენ.
კოსმოსური გამრავლება
Notepad.Ge
მეცნიერებს არ ასვენებთ იმაზე ფიქრი, რომ კოსმოსი ასათვისებელია. ამის გამო მათ თავში მუდმივად ტრიალებს ოცნება, რომ ისინი ერთ დღეს შეძლებენ კოსმოსში მოგზაურობას და მის დათვალიერებას. მეცნიერებს დიდი სურვილია ქვთ ვარსკვლავებთან მოხვედრის და ახლოდან დათვალიერების. თუმცა ეს ფიზიკურად შეუძლებელია, რადგან ადამიანი თავის სიცოცხლეში ვერ მოახერხებს იმ მანძილის გადალახვას, რომელიც დედამიწასა და ყველაზე ახლოს მყოფ ვარსკვლავს შორის არის. გაგიკვირდებათ და მათ გამოსავალი მონახეს. გამოსავალი გამრავლებაშია. ანუ გამოდის, რომ თუ ადამიანმა ვერ მოახერხა ვარსკვლავამდე მიღწევა, ამას მისი შთამომავლობა შეძლებს, რომელსაც იგი გააჩენს კოსმოსში ყოფნის დროს.
სწორედ ამის გამო ამერიკის შეერთებულ შტატებში ჩატარდა დახურული კონფერენცია, სადაც განიხილეს ის შემთხვევა, სადაც ადამიანი ერთი საუკუნის მანძილზე კოსმოსში იქნება. დაახლოებით ეს დრო არის საჭირო იმისათვის, რომ მან პირველ ვარსკვლავამდე მიაღწიოს. თუმცა არის პრობლემა,ხოლო ეს პრობლემა შემდეგში მდგომარეობს: შეძლებს თუ არა ადამიანი ამ დროის მეოთხედის ყოფნას კოსმოსში? ეს ფაქტურად შეუძლებელია. ამისათვის აუცილებელია გრავიტაციული კლიმატის შექმნა, რაც ჯერჯერობით შეუძლებელია თანამედროვე ტექნოლოგიების ხარჯზე.
განაგრძე კითხვა: Read More
ოჯახური უძილობა
Notepad.Ge
კანადის სახელმწიფო უნივერსიტეტის გამოკვლევების მიხედვით, უძილობა შეიძლება გაჩნდეს ისეთ ოჯახში, სადაც ერთ ადამიანს მაინც აწუხებს იგი. მეცნიერების აზრით ამის ალბათობა 67%-ია.
სოციოლოგებმა 3485 ადამიანი დაითანხმეს იმაზე, რომ მონაწილეობა მიეღოთ ამ კვლევაში. მათ ტელეფონზე დაურეკეს და დეტალურად გამოკითხეს მათი და ოჯახის წევრების ძილის ხარისხი. ამასთან ერთად ისინი 12 თვეში ერთხელ წერილობით ავსებდნენ ანკეტას სადაც მითითებული იყო მათი წლიური მონაცემები.
ანკეტების მიხედვით 40%-ს ოჯახში ჰყავდა ადამიანი, რომელსაც უძილობა აწუხებდა, ხოლო ამ ადამიანების 78% ანალოგიურად გრძნობდა თავს. მეცნიერების აზრით პირველ რიგში ეს მოვლენა აიხსნება გენეტიკით. გენეტიკურად ადამიანს ბევრი რამ მოჰყვება მისი წინამორბედისგან. მეორე ვარიანტი კი არის ის, რომ ადამიანი უბრალოდ ზედმეტად იწყებს ფიქრს უძილობაზე, რის შემდეგადაც იგი ფსიქოლოგიური ზემოქმედების ქვეშ იმყოფება.
ეს შედეგები წარდგენილი იყო 4 სექტემბერს კონგრესზე, რომელიც მთლიანად მედიცინას, კერძოდ კი ძილს დაეთმო.
მარსზე გაფრენა სიცოცხლეს შეამცირებს
Notepad.Ge
NASA-ს გეგმების შესახებ მთელმა მსოფლიომ იცის. თუმცა შეიძლება შენ არ იცოდე მკითხველო. საქმე იმაშია, რომ მას სურს ადამიანის გაგზავნა მარსზე. მიუხედავად იმისა, რომ ტექნოლოგიური განვითარება დიდი ნაბიჯებით მიიწევს წინ, ჯერჯერობით ადამიანის მარსზე გამგზავრება და მისი შესწავლა მხოლოდ და მხოლოდ თეორიის ნაწილად ითვლება.
მეცნიერების აზრით ადამიანი რამდენიმე წლის შემდეგ შეძლებს მარსზე ფეხის დადგმას, თუმცა ეს გარკვეულ რიგ პრობლემებთან იქნება დაკავშირებული. საქმე იმაშია, რომ კოსმონავტებს მოუწევთ გზის გავლა, რომელზეც ისინი დიდი ოდენობით რადიაციას მიიღებენ საკუთარ ორგანიზმზე. გერმანელი მეცნიერების აზრით ასეთი დოზით რადიაციის მიღება ადამიანის სიცოცხლეზე უარყოფითად იმოქმედებს, კერძოდ კი მათ სიცოცხლეს მინიმუმ სამი წლით შეამცირებს.
მეცნიერების აზრით რადიაციის მიღების დოზაც ჩვენზეა დამოკიდებული, რადგან კოსმიურ რადიაციას ხელს უწყობს სხვადასხვა ფაქტორი. მაგალითად ისეთი, როგორიცაა ტექნოლოგიები კოსმიურ ხომალდზე. ყველამ კარგად ვიცით, რომ რადიაციის სიმძლავრის გამოწვევას ტექნოლოგიები იწვევენ. მაღალ ტექნოლოგიური ხომალდით გაფრენის შემთხვევაში ადამიანი გაცილებით მეტ წლებს დაკარგავს, ვიდრე ჩვენ გვგონია.
ადამიანებს ნაწილ-ნაწილ ააწყობენ
Notepad.Ge
ადამიანის ორგანოები მარაგში? კი ნამდვილად უცნაურად ჟღერს მაგრამ ეს უკვე რეალობაა, რადგან მეცნიერებმა ოცამდე ორგანოს ხელოვნურად გაზრდა შეძლეს. ამ ეტაპზე ჩატარებულია შარდის ფუშტის გადანერგვა. მეცნიერების აზრით ეს მხოლოდ დასაწყისია, რადგან მათი საქმიანობა სწრაფი ტემპებით ვითარდება.
გუშინ კემბრიჯის უნივერსიტეტში ჩატარდა სამეცნიერო კონფერენცია, სადაც საუბარი იყო ადამიანის გაახალგაზრდავების საშუალებებზე. ერთ-ერთმა ორგანიზაციამ გაამხილა, რომ ისინი გულის ხელოვნურად შექმნასა და გაზრდაზე მუშაობენ. ეს ერთ-ერთი ყველაზე რთულად შესასრულებელი ამოცანა არის, ამიტომ მათ თარიღი არ დაასახელეს, თუ როდის იქნება გული მზად.
ეს ყოვილვე მეტყველებს იმაზე, რომ მედიცინაში ახალი ეპოქა იწყება. არ გეგონოთ, რომ ეს რაღაც ახალი აღმოჩენაა. მეცნიერებმა პირველი ასეთი ექსპერიმენტი 10 წლის წინ ჩაატარეს და გაირკვა, რომ შესაძლებელია ადამიანის უჯრედების დაცალკევება და მათი სხვა მატერიით შევსება.
მოცემული ტექნოლოგიებით პროფესორმა შეუ შეკერმა უკვე შექმნა ხელოვნური ღვიძლი.
ყავის ეფექტი, ანუ უბრალო ილუზია
Notepad.Ge
ალბათ ბევრ თქვენთაგანს ვერ წარმოუდგენია დილა ფინჯანი ყავის გარეშე. არ დაგიმალავთ და მეც თქვენს რიცხვს მივეკუთვნები. ითვლება, რომ კოფეინი ადამიანს აფხიზლებს და ტვინის სტიმულირებას იწვევს. თუმცა ბოლო გამოკვლევებით ერთ-ერთმა უნივერსიტეტმა დაადგინა, რომ ეს ასე არ არის 
როგორც ყოველთვის საქმეს ექსპერიმენტის გარეშე არ ჩაუვლია. ინგლისში შეკრიბეს 880 ადამიანი, რომლებსაც ძალიან უყვართ ყავა. მათ მისცეს თითო ფინჯანი ყავა და მოატყუეს, რომ იგი შეიცავს კოფეინს. საბოლოოდ მათ დააფიქსირეს, რომ მათი ხასიათი გამოცოცხლდა. რეალურად ეს ხომ უბრალო ილუზია იყო, რადგან ყავა არ შეიცავდა მთავარ სტიმულატორს 
ილუზიის დასამტკიცებლად მათ გარკვეული რიგი ტესტირება ჩაუტარეს ყავის დალევამდე და მას შემდეგ. აღმოჩნდა, რომ უკოფეინო ყავის დალევის შემდეგ მათ უკეთ გაართვეს თავი მოცემულ დავალებებს. საქმე იმაშია, რომ ადამიანი ყავის დალევის შემდეგ უცდის, რომ მას ენერგია მოუვა ორგანიზმში. ეს ფსიქოლოგიური ეფექტია. ანალოგიური ეფექტი იქმნება ჩვენთვის ცნობილ ფილმ Formula 51-ში სადაც უბრალო კანფეტი ნარკოტიკული საშუალება ჰგონიათ
ინფორმაციის ათვისების საუკეთესო საშუალება
Notepad.Ge
კარგი გამოთქმაა ადამიანი შეცდომებზე სწავლობსო. თუმცა ამ გამოთქმას ცოტა სხვანაირად ვიგებ მე ადამიანმა სხვის შეცდომებზე უნდა ისწავლოს ჭკუა. სოციოლოგიური გამოკითხვის შედეგად, რომელიც კანადაში ჩატარდა, გაირკვა, რომ მოსახლეობის 90%-ზე მეტი ინფორმაციას უკეთ ითვისებს, თუ ამ ინფორმაციის მიღებისას რაიმე სახის დაბრკოლებას ან შეცდომას წააწყდა.
პატარ-პატარა შეცდომები ტვინს ეხმარება ინფორმაციის უკეთ გადამუშავებაში. რის შედეგადაც ადამიანის ტვინში აზრთა პარალელები და მაკავშირებელი ელემენტები იქმნება. ეს გამართლებულია და ყველამ ვიცით, რომ ინფორმაციის ნელი ტემპით მიღება უფრო ამახსოვრდება ადამიანს, ვიდრე მაგალითად წიგნის გადაფურცვლა. ამ შემთხვევაში შესაძლოა ეს ინფორმაცია იმ დღეს გახსოვდეთ, მაგრამ მეორე დღეს ნაკლებად [მე თვითონ ვარ ამის ნათელი მაგალითი].
ექსპერიმენტის მსვლელობის დროს მეცნიერებმა გადაწყვიტეს გამოეყენებინათ 25 წლის ახალგაზრდის ტვინი და 70 წლის ხანში შესული ადამიანის ტვინი. ინფორმაციის მიღება ხდებოდა ორ კატეგორიად. პირველი პასიური მიღება იყო, ხოლო დავალება შემდეგში მდგომარეობდა: ექსპერიმენტის მონაწილეებს უნდა დაემახსოვრებინათ კატეგორია და მასში შემავალი რომელიმე ნივთი. აი მაგალითად კატეგორია: ყვავილები, ხოლო ყვავილების ერთ-ერთი სახეობაა ვარდები. ინფორმაციის მიღების მეორე ვარიანტში ისინი არ იგებდნენ კატეგორიაში შემავალ სიტყვას. მათ ამ სიტყვის მოფიქრება დამოუკიდებლად უწევდათ. მაგალითად ყვავილის შემთხვევაში ექსპერიმენტის მონაწილეს თვითონ უნდა დაესახელებინა რომელიმე ყვავილის სახელწოდება. ამ მეთოდმა პირველზე უკეთ გაამართლა.
ასე და ამგვარად კანადელებმა დაამტკიცეს, რომ მეორე ათვისების უნარი უკეთესია ადამიანისთვის. ამასთან ერთად ტვინის აქტიურობის დაკვირვებით გაარკვიეს, რომ მეორე მეთოდ ინფორმაციის მიღების დროს ტვინი უფრო აქტიურობს. ტვინის ასეთი სიხშირით აქტიურობას იწვევს ადამიანის ფიქრი, როდესაც იგი აკეთებს საკვანძო პარალელებს კატეგორიებსა და სიტყვებს შორის.
ბლოგები
Nikusha-ს ბლოგი (4)
Nini-ს ბლოგი (30)
pawo-ს ბლოგი (1)
reader-ის ბლოგი (3)
sofo-ს ბლოგი (2)
sopo-ს ბლოგი (4)
tamta-ს ბლოგი (6)
zakuti-ს ბლოგი (13)
კატეგორიები
ავტორიზაცია
სარეკლამო ბლოკი
