გაციების ნიშნები საჭესთან

Posted by ლაშა შალუტაშვილი on იან 16, 2012 in ავტო & მოტო

არის ასეთი სადაზღვევო კომპანია Young Marmalade, რომელმაც სოციოლოგებს კვლევა შეუკვეთა. გაირკვა, რომ ადამიანები, რომლებიც არიან გაციებულები და სხედან საჭესთან, ისეთივე შეფერხებით მართავენ მანქანებს, როგორც მაგალითად ადამიანი, რომელიც იმყოფება ნასვამ მდგომარეობაში. დაკვირვების შედეგად გაირკვა, რომ გაციების დროს მძღოლის კონცენტრაცია და რეაქციის სიჩქარე მცირდება 50%-ით. სტატისტიკის თანახმად ამერიკაში ყოველდღიურად საჭესთან ერთი მილიონი ადამიანი ჯდება ისე, რომ ისინი გამოჯამრთელების საბოლოო დასრულებას არ ელოდებიან. მოდით დავამატოთ ამ რიცხვს იმ ადამიანთა სია, რომლებიც ალკოჰოლის ზემოქმედების ქვეშ იმყოფებიან. დამეთანხმებით, რომ რიცხვი ნამდვილად დიდი იქნება. ექიმები ურჩევენ მძღოლებს, რომ პირველ რიგში დაამთავრონ მკურნალობა, ხოლო შემდეგ გააგრძელონ მანქანის მართვა.

Read More

მძღოლის სტერეოტიპები

Posted by ლაშა შალუტაშვილი on დეკ 13, 2011 in ავტო & მოტო, მსოფლიო

გერმანელმა სოციოლოგებმა მეტად საინტერესო კვლევა ჩაატარეს. აღმოჩნდა, რომ მძღოლების უმეტეს ნაწილს შეუძლია დაადგინოს მანქანაზე შეხედვით, თუ როგორი ხასიათის და ასაკის ადამიანი მართავს მას. აი მაგალითად მძღოლები რომლებიც მართავენ Mercedes-სს, ითვლებიან წარმატებულ ადამიანებად და შეძლებულებად, ხოლო ყველაზე მდიდარი მძღოლები დადიან Jaguar-ით. მათი საშუალო შემოსავალი 6300 ევროა თვეში. Mercedes-ის მძღოლების სავარაუდო ხელფასი მოქცეულია 3500-3800 ევროს შორის.
BMW და Audi ცხრილის შედარებით დაბალ პოზიციაზე არიან. სოციოლოგების აზრით მათი მძღოლები სხვა მანქანის მძღოლებთან შედარებით ნაკლებ თანხას გამოიმუშავებენ თვიურად. მათი საშუალო შემოსავალი დაახლოებით 2400-2600 ევროა. თუმცა ასაკის მხრივ ეს ორი კომპანია მოწინავე პოზიციებზეა, განსხვავებით მერსედესისა და იაგუარისა. მათი ასაკობრივი სტატისტიკა გამოიყურება ასე: BMW- დაახლოებით 37 წელი, Audi – 38, Mercedes და Jaguar უკვე პენსიონერები არიან მიახლოებით 55-60 წელი. არ იფიქროთ, რომ ეს არის ზუსტი სტატისტიკა, რადგან სულ რომ არაფერი ჩვენს ქვეყანაში ძირითადად ახალგაზრდობას ყავს ეს მოდელები. აქ საუბარია ზოგადად ევროპაზე. გამოკითხული ადამიანების 83% მიიჩნევს, რომ მერსედესის მარკის ავტომობილს ძირითადად მსუქანი ადამიანები მართავენ, ხოლო Jaguar-ის მძღოლები მოწყენილი ხალხია.

Read More

დასაკეცი ელექტრო მანქანები

Posted by ლაშა შალუტაშვილი on დეკ 12, 2011 in ავტო & მოტო

ინოვაციის შექმნა კომპანია Kowa Tmsuk-ს მიეწერება. მათი ახალი ქმნილების სახელის Kobot. მისი მტავარი დადებითი მახასიათებლები ისაა, რომ ელექტრო ძრავი გააჩნია და მფლობელის ტელეფონში ჩატვირთული პროგრამის ჩართვის შემდეგ იგი იწყებს დაკეცვას და საკმაოდ კომპაქტური ხდება.
კომპანიამ პრეზენტაციაზე სამი სხვადასხვა მოდელი წარმოადგინა. ორ კარიანი მოდელი სახელად Kobot Pi და ორი ერთ ადგილიანი მანქანა სახელად Kobot Beta და Kobot Nu. ახალი ტრანსპორტი წარმოადგენს ჰიბრიდულ ნაზავს, რაშიც ერთიანდება მოტოციკლეტის პრინციპები და მანქანის ფორმები. დაკეცილ მდგომარეობაში მანქანები დაახლოებით 40 სანტიმეტრზე ცოტა ნაკლებს იკლებენ ზომაში. ანუ გამოდის, რომ დაკეცილ მდგომარეობაში ეს მანქანები პარკინგის ადგილზე ერთ კვადრატულ მეტრს იკავებენ მხოლოდ.
პატარა ზომებთან ერთად სიჩქარეც პატარა აქვთ ახალ მოდელებს. სრულ დატენვაზე ისინი დაახლოებით 30 კილომეტრ საათს ავითარებენ. უსაფრთხოების მხრივ არ გამოიყენება დაცვის სისტემა რადიო გადამრთველით. გამომგონებლებმა დაცვის ფუნქციას ტელეფონის პროგრამაში ჩადეს. თუმცა ექსპერტების აზრით ეს უსაფრთხოების საკითხს ეჭვქვეშ აყენებს.
ამ ეტაპზე კომპანია ეძებს დაფინანსებას, რათა უკვე მომავალი წლის შემოდგომაზე დაიწყოს ამ მოდელების სერიული წარმოება.

Read More

მომავალში მანქანა იზრუნებს მძღოლზე

Posted by ლაშა შალუტაშვილი on ნოე 20, 2011 in ავტო & მოტო

როგორც ვიცით ავტო კომპანიები ცდილობენ ერთმანეთს აჯობონ ინოვაციური გამოგონებებით. მიუნხენის უნივერსიტეტის სტუდენტებმა შეიმუშავეს პროექტი, რომელიც ხორციელდება BMW Group-თან ერთად. მათი აზრით მომავალში არა მძღოლები, არამედ მანქანები გააკონტროლებენ სიტუაციას და იზრუნებენ მძღოლის უსაფრთხოებაზე. პროექტზე მომუშავე სტუდენტების აზრით, მომავალში ავტო ავარიის შესაძლებლობა მინიმუმამდე შემცირდება მათი გამოგონებების დახმარებით.
სტუდენტების მიერ შექმნილი ტექნოლოგია არის ჩვეულებრივი საჭე, რომელიც ზემგრძნობიარე ელემენტებისგან არის შექმნილი. საჭიროა მხოლოდ საჭესთან თითებით კონტაქტი, რომ იგი მანქანის მთავარ მონიტორზე, ანუ როგორც ჩვენ ბორტკომპიუტერს ვეძახით, მასზე გამოვა მონაცემები ადამიანის ჯანმრთელობის შესახებ. სისტემა ისე არის გამართული, რომ იგი აკონტროლებს ადამიანის სისხლის მიმოქცევას და სხვა ელემენტებს, მაგალითად თუ ადამიანის ნერვული უჯრედები მოდუნებას დაიწყებს, ეს იმას ნიშნავს, რომ ადამიანი გადაიღალა და მისი რეაქციის მომენტი შემცირდა. შესაბამისად ამ ყველაფერს მანქანა ხვდება და ხმამაღალი სიგნალით აფხიზლებს მის მძღოლს.
ეს სისტემა უკვე გადის კონტროლს ადამიანებზე. კომპანია BMW-ს განცხადებით ცდების წარმატებით დასრულების შემთხვევაში იგი ამ ფუნქციას მის მომავალ მოდელებში ჩანერგავს.

Read More

Volta BCN მალე გაყიდვაში გამოვა

Posted by ლაშა შალუტაშვილი on ნოე 4, 2011 in ავტო & მოტო

კომპანია Volta Motorbikes-მა ოფიციალურად აჩვენა მისი ბოლო ელექტრო მოტოციკლეტი. მისი ნახვა მსურველებს EICMA მოტო გამოფენაზე იქნება შესაძლებელი. მოტოციკლეტი სამ ვარიანტში იქნება გამოშვებული. ესენია: BCN Sport, BCN City, და BCN My Volta. ყოველ მათგანს ერთი და იგივე ტიპის ძრავი ექნება. ეს იქნება 35 ცხენის ძალიანი ელექტრო მოტორი, რომელსაც სრული დატენვით 70 კილომეტრის გავლა შეეძლება. ელექტრო მოტოციკლეტი გაყიდვაში 2012 წელს გამოვა და მისი სავარაუდო ფასი 10 000 ამერიკული დოლარი იქნება.

Read More

Electric Blue

Posted by ლაშა შალუტაშვილი on ოქტ 5, 2011 in ავტო & მოტო

Electric Blue – ეს არის ელექტრო მანქანა, რომელსაც სტუდენტები 7 წლის განმავლობაში აგებდნენ. ამ მანქანის აგებაში 130 ადამიანს აქვს შრომა ჩადებული. ყველასთვის კარგად ნაცნობ მარილის უდაბნოში მანქანამ შემოწმება გაიარა სიჩქარეზე. მან 250 კილომეტრი საათი განავითარა პირველ ცდაზე, ხოლო მეორე ცდის შედეგად მან 281 კილომეტრი საათი განავითარა. გინესის რეკორდების წიგნის თანახმად ეს არის ახალი მსოფლიო რეკორდი, რომელიც დამყარდა 500 კილოგრამამდე მანქანებს შორის. მანქანის კორპუსი კარბონ ნარევი მასალისგანაა დამზადებული, ხოლო ენერგიას იგი ლითიუმის ელემენტებისაგან იღებს.

Read More

საფრთხე ველოსიპედისტებს

Posted by ლაშა შალუტაშვილი on სექ 29, 2011 in ავტო & მოტო

ყველას გექნებათ ნაფიქრი იმის შესახებ, რომ კარგი იქნებოდა სამსახური ველოსიპედის საშუალებით წასვლა, რადგან არაფერია იმაში ცუდი, თუ დილიდან სუფთა ჰაერს ჩაყლაპავ და ცოტას წაივარჯიშებ. ვარჯიშით ნამდვილად წაივარჯიშებ, მაგრამ აი სუფთა ჰაერზე და ჯანმრთელობაზე რა მოგახსენოთ.
ლონდონის უნივერსიტეტის ეკოლოგიის სექტორმა დაადგინა, რომ ველოსიპედით ქალაქში სიარული არც ისე კარგია თქვენი ჯანმრთელობისთვის. სექტორმა საკუთარი აზრის დასამტკიცებლად მოიწვია 12 ადამიანი, რომელთა ნაწილი ქალაქში ველოსიპედით დადის, ხოლო ნაწილი ამჯობინებს ფეხით გასეირნებას.
ექვსი თვის მანძილზე ამ ადამიანებს გარკვეული რიგი ექსპერიმენტები უტარდებოდათ და საბოლოოდ ფილტვების შესწავლით გაირკვა, რომ იმ ადამიანთა რიცხვი, რომლებიც ველოსიპედით დადიოდნენ 2.3 ჯერ უფრო დაბინძურებულები არიან, ვიდრე ფეხით მოსიარულეები.
განაგრძე კითხვა:

Read More

ელექტრო მანქანა Smart Forvision

Posted by ლაშა შალუტაშვილი on სექ 7, 2011 in ავტო & მოტო

მანქანის სახელმწოდებაა Smart Forvision და იგი კომპანია BASF-მა ააწყო. მანქანის შექმნისას გამოიყენეს ისეთი ტექნოლოგიები და მატერიები, რის შედეგადაც მიღებული მანქანა ბევრს არ იწონის. მანქანის კორპუსი ეპოქსიდისგან არის დამზადებული, რის გამოც იგი ნაკლებ ენერგიას მოიხმარს. შედეგად 20%-ით უფრო მეტი მანძილის გავლა არის შესაძლებელი. მანქანას არ გააჩნია კონდიცირების სისტემა, მაგრამ იგი ისეთი საღებავით არის დაფარული, რომ ზაფხულში მასში გრილა, ხოლო ზამთარში თბილა. მიუხედავად ამ დაფარვისა მანქანას მაინც გააჩნია საჯდომების გათბობა, თუმცა იმდენად სუსტი, რომ იგი თითქმის არ იგრძნობა. მანქანა პირველად ფრანკფურტის ავტო გამოფენაზე იქნება ნაჩვენები, ხოლო წარმოებაში იგი 2014 წელს ჩაეშვება.

 

Read More

Drift სპორტის ისტორია

Posted by ლაშა შალუტაშვილი on აგვ 30, 2011 in ავტო & მოტო

ამ პოსტში მოგიყვებით მოკლე ისტორიას თუ როგორ წარმოიშვა სამანქანო სპორტის ერთ-ერთი განხრა Drift. თავდაპირველად ეს სპორტის სახეობა იაპონიაში შეიქმნა, ხოლო შემდეგ იგი სხვადასხვა სახელმწიფოებში გავრცელდა. წესების თანახმად არსებობს Drift-ის ორი სახეობა. ერთი როდესაც მხოლოდ ერთი მანქანა ასრულებს მას, ხოლო მეორე როდესაც Drift-ის შესრულება ხდება ჯგუფურად. მსაჯებს ევალებათ ქულების დაწერა იმის მიხედვით, თუ როგორია Drift-ის შესრულების სიჩქარე და მანქანის გრადუსული დახრილობა.
ჯგუფური Drift-ის დროს როდესაც ერთი მანქანა დაიძვრება, მაშინვე იძვრება მეორე მანქანაც. ასეთ შემთხვევაში გამარჯვებულად ითვლება იმ მანქანის მძღოლი, რომელიც პირველი გადაკვეთს Finish ხაზს. მაგრამ არის ერთი გამონაკლისი: იმ შემთხვევაში თუ რომელიმე მანქანა ხაზამდე მოახერხებს დევნას, ჟარგონულად რომ ვთქვათ ”ხვოსტზე ყოფნას”, ასეთ შემთხვევაში გამარჯვებულად ითვლება ის მანქანა, რომელიც შემდეგ რბოლაში უკეთეს დროს აჩვენებს. ახალ დაშვებაში ყველაფერი ისევ ისეა, უბრალოდ მოწინააღმდეგეები ცვლიან ადგილებს. ანუ პირველი მანქანა უკან დგება, ხოლო მეორე მანქანა პირველი მანქანის ადგილზე.
პირველი მრბოლელი, რომელიც ამ ტექნიკით ცნობილი გახდა არის იაპონელი ტაკახასი კუნიმიცუ, რომელმაც აგრესიული ტექნიკის საფუძველზე არა ერთხელ მოახერხა გამარჯვება და ბევრი გულშემატკივრის მოგროვება. ითვლება, რომ იგი იყო პირველი მრბოლელი, რომელმაც ეგრედ წოდებული ”APEX” იდეალურად შეასრულა. ამერიკაში ეს სპორტის სახეობა 1996 წელს გამოჩნდა, მაგრამ პოპულარობა ეგრევე ვერ მოიპოვა. ამის მიზეზი გახდა ის, რომ ამერიკის შეერთებული შტატების ზოგიერთ ნაწილში აკრძალულია მანქანებზე დანამატების ეგრედ წოდებული Tuning-ის გაკეთება. ამის გამო შეიქმნა სპეციალური გზები, სადაც მათ უფლება ეძლევათ, რომ Drift-ით დაკავდნენ. იაპონიაში არსებობს Drift-ის ოფიციალური სპორტული სახეობა, მაგრამ უფრო მეთ შემთხვევაში Drift შეჯიბრები არალეგალურად, ღამე, ქუჩებში იმართება. აუცილებლად გასათვალისწინებელია, რომ Drift-ისთვის მანქანა სპეციალურად უნდა შეირჩეს. იცვლება მისი საბურავები, სიმაღლე, ძრავი და სხვა ელემენტები, რომელიც აუცილებელია იდეალური Drift-ისთვის.

განარძე კითხვა:

Read More

Cadillac -ის მომავლის მანქანა

Posted by ლაშა შალუტაშვილი on აგვ 26, 2011 in ავტო & მოტო

კალიფორნიის ავტომობილების გამოფენაზე კომპანია კადილაკმა წარმოადგინა ახალი საჩვენებელი მანქანის მოდელი სახელად Ciel . ჯერჯერობით უცნობია გაეშვება თუ არა ეს მოდელი მასიურ წარმოებაში, მაგრამ კომპანიის გენერალურმა დირექტორმა თქვა, რომ მათ ეს გიგანტი კაბრიოლეტი ტყვილად არ აჩვენეს ხალხს. როგორც ჩანს კომპანია ძვირადღირებული მანქანების სეგმენტს უბრუნდება და ეს კაბრიოლეტი მათი პირველი ნაბიჯია.
მანქანა შესახედაობით ბრუნდება იმ ეპოქაში, როდესაც Eldorado და DeVille აღზევებული მანქანები იყვნენ. ინტერიერს თუ დავაკვირდებით, ნამდვილად მიხვდებით, რომ ეს კადილაკის ნამუშევარია. ამ კომპანიას ყოველთვის უყვარდა და უყვარს მომავალში გახედვა და უცნაური ინტერიერების შექმნა.
მიუხედავად იმისა, რომ ეს მანქანა კაბრიოლეტია, მას ოთხი კარი აქვს. როგორც ყოველთვის კადილაკი კომფორტზე ზრუნავს. ფასის შესახებ კომპანიას ჯერ საუბარიც არ ჰქონია. ასევე არ არის ნათქვამი თუ რა ტიპის ძრავი ექნება მას.

Read More

Wheelbike ახალი თაობის ტრანსპორტი

Posted by ლაშა შალუტაშვილი on ივნ 20, 2011 in ავტო & მოტო

ავსტრალიელებმა გამოიგონეს ახალი ტიპის ტრანსპორტი, რომელსაც Wheelbike უწოდეს. ეს მექანიზმი მთლიანად ელექტროა და ბორბლები მოქმედებაში მასში ჩაყენებული კვების ბლოკებით მოდის. დიზაინერების აზრით მათი ქმნილება მძღოლს საშუალებას მისცემს, რომ მან თავისი სურვილისამებრ ამოტრიალებულ ან ჩვეულებრივ მჯდომარე რეჟიმში მართოს ტრანსპორტი. ეს მიიღწევა იმით, რომ მისი კონსტრუქცია 360 გრადუსზე მოძრაობს თავისუფლად. ამ ეტაპზე მისი ძრავი 50 კილომეტრ საათს ავითარებს. სამწუხაროდ ეს ელექტრო მანქანა ჯერჯერობით მხოლოდ პროტოტიპია. მისი მასიური წარმოება არამგონია დაიწყოს, თუმცა ასეთი ტრანსპორტის აგება არც თუ ისე რთულია. დიზაინერების აზრით მათი ქმნილება დამუშავების პროცესშია და სულ მალე ისინი Wheelbike-ს სრულყოფილ ვერსიას შემოგვთავაზებენ.

Read More

მაგარი მანქანა ქართულ ვარიანტში

Posted by ლაშა შალუტაშვილი on მაი 18, 2011 in ავტო & მოტო, სოციუმი

XXI საუკუნეში კარგი მანქანა არავის უკვირს. დღესდღეობით შეიძლება ითქვას , რომ საქართველოში რაც კი კარგი მანქანა არსებობს ყველა დადის. ნუ არის გარკვეული გამონაკლისები. საქმე იმაშია, რომ ყოველი მეორე მაინც ახერხებს კარგი მანქანის ყიდვას. ზოგი ერთი ადამიანი რეალურად ხვდება, თუ რა დანიშნულება აქვს მანქანას. რეალურად მანქანა უნდა მოგემსახუროს შენ და გასიამოვნოს და არა პირიქით. თბილისში დადის ერთი ცნობილი ფრაზა ” შეჩემა გაყიდე ოპელი და იყიდე მანქანაო” ნამდვილად სასაცილო ფრაზაა, მაგრამ როდესაც ამას იძახის ისეთი ადამიანი, რომელსაც ყავს ეგრედ წოდებული ” ძერსკი ” მანქანა და შიგნით საწვავი არ უსხია, ძალიან მეცინება ბევრჯერ დამიფიქსირებია ასეთი ფაქტი, რომ უბანში სასტავი ფულს აგროვებს, რომ საწვავი ჩაასხან და გაისეირნონ. ნაშობა ააგდონ ან რავიცი . ზოგიერთს რატომ აქვს საერთოდ გოგოს დათრევის პრეტენზია. კი გასაგებია, რომ კარგი მანქანა გყავს, მაგრამ შენც ჰომ უნდა იყო ნორმალური? საწყენად არ მიიღოთ არავინ. როგორც ყოველთვის ჩემი პოსტი ყველას არ ეხება და სოციუმის კონკრეტულ ნაწილს. ვერ ვხვდები რა საჭიროა, რომ გყავდეს თუნდაც ის დიდი მანქანა, რომელიც ბევრ საწვავს მოიხმარს, მაგრამ რეალურად მანქანა არ გყავდეს. მანქანა ჰომ უნდა გამოიყენო.

განაგრძე კითხვა

Read More