პირველი მსოფლიო Cyber ომი

Posted by ლაშა შალუტაშვილი on იან 25, 2012 in ახალი ამბები, მსოფლიო

ბოლო ინფორმაციებით ცნობილი გახდა, რომ მსოფლიოში ერთ0ერთი ყველაზე ძლიერი ჰაკერთა დაჯგუფება Anonymous აპირებს კიბერ იერიშის განხორციელებას ამერიკის შეერთებულ შტატებზე. ჯგუფი მოუწოდებს ინტერნეტ ტერორისტებს, რომ მათი მხარი დაიჭირონ და პირველი დარტყმა სოციალურ ქსელ Facebook-ს მიაყენონ. დაჯგუფების აზრით ეს სოციალური ქსელი წარმოადგენს იარაღს, რომელისაც ამერიკა ადამიანების წინააღმდეგ იყენებს.
ვიდეო რგოლი, რომელიც YouTube-ზე განთავსდა ბევრმა ადამიანმა ნახა. ვიდეოში პირდაპირ არის ნათქვამი: გინდათ გახდეთ მსოფლიოში პირველი კიბერ ომის მონაწილე? ეს თქვენ შეგიძლიათ. მსოფლიო მასშტაბით მიდის მოწოდებები ომის შესახებ. ექსპერტების აზრით სოციალურ ქსელზე იერიში მარტივ საქმეს არ წარმოადგენს და მას მასშტაბური მხარდაჭერა დასჭირდება. სწორედ ამის გამო ვიდეო რგოლის მეორე ნაწილში Anonymous რიგით მომხმარებელს ასწავლის, თუ როგორ უნდა შეუტიოს სოციალურ ქსელს მარტივი ხერხებით.
საინტერესო ისაა, რომ რატომ აპირებს ჯგუფი კონკრეტულად ამ სოციალურ ქსელზე თავდასხმას. როგორც იცით მარკ ცუკერბერგი ოფიციალური განცხადებით გამოვიდა, რომ იგი მხარს არ უჭერს SOPA-ს და PIPA-ს. ლოგიკურია, რომ მარკი ანონიმების მხარეს იბრძვის, თუმცა იგი მაინც მსხვერპლია ამ ბრძოლაში. ვიდეო რგოლში ანონიმები სოციალურ ქსელს ამერიკასთან აიგივებენ, სწორედ ამის გამო მათ ბევრი მხარდამჭერი გამოუჩნდათ. ყველაფერი 28 იანვარს გადაწყდება. ეს არის თარიღი, როდესაც ჯგუფი შეტევას განახორციელებს.

Read More

HP Mini 1104 ახალი მოდელი

Posted by ლაშა შალუტაშვილი on იან 24, 2012 in ტექნოლოგიები

კომპანია Hewlett-Packard-მა მისი ახალი მოდელი წარმოადგინა რამდენიმე დღის წინ. მოდელს 10.1 დიუმიანი ეკრანი გააჩნია და Cedar Trail ბაზაზეა აწყობილი. მისი გაფართოება 1024 х 600 პიქსელს შეადგენს. ოპერატიული მახსოვრობა 2 GB, ხოლო მყარი დისკი 320 GB. რაც შეეხება პროცესორს, მას Intel Atom N2600 გააჩნია. ასევე ინტეგრირებული გრაფიკული ბირთვი GMA 3600. დამატებებს რაც შეეხება მას სტანდარტულად გააჩნია Wifi, Bluetooth 4.0 და CardReader-ი. კორპუსის სისქე 22 მილიმეტრს შეადგენს. დატენვის გარეშე მუშაობა მას 9 საათი შეუძლია. სტანდარტულ მოდელს გააჩნია Windows 7 და FreeDOS ოპერაციული სისტემის მხარდაჭერა. ფასი 400 ამერიკული დოლარია.

Read More

ძილი სექსის შემდგომ

Posted by ლაშა შალუტაშვილი on იან 24, 2012 in ქალი და მამაკაცი

მიჩიგანის უნივერსიტეტის გამოკვლევაში მონაწილეობა 465-მა წყვილმა მიიღო. გაირკვა, რომ სექსის შემდეგ ძილი მეტყველებს იმაზე, რომ წყვილს შორის ნამდვილად არსებობს სასიყვარულო მუხტი. მონაწილეებმა ანონიმური კითხვარები შეავსეს სადაც მათ გრძნობების შესახებ უნდა ჩამოეყალიბებინათ აზრი. ასევე იყო რამდენიმე დამატებითი კითხვა, მაგალითად ისეთი როგორიცაა: რომელი იძინებთ პირველი სექსის შემდეგ და სხვა. გაირკვა, რომ ის წყვილები, რომლებიც მალევე იძინებენ სექსის შემდეგ, ერთმანეთისადმი მეტ სითბოს გამოხატავენ რეალურ ცხოვრებაში და ლოგინში. გამოკითხული ადამიანებიდან გაირკვა, რომ მამაკაცები პირველები იძინებენ ხშირ შემთხვევაში, ხოლო თუ სექსი მათ არ ჰქონიათ, მაშინ პირველი ქალი იძინებს. საინტერესოა, როგორი მდგომარეობაა ამ მხრივ საქართველოში.

Read More

სოციალური ქსელად ქცეული რელიგია

Posted by ლაშა შალუტაშვილი on იან 22, 2012 in საქართველო

არის ორი საკითხი, რომლის შესახებაც ჩემს ბლოგზე ვერასდროს ვერ წაიკითხავდით პოსტს. ესენია პოლიტიკა და რელიგია. ამ ორი საკითხის შესახებ მე საუბარი არ მიყვარს და როგორც ხედავთ კატეგორიებიც არ მაქვს შექმნილი შესაბამისი, რომ მოქმედმა ბლოგერებმა რამე დაპოსტონ. იყო ერთი გამონაკლისი, როდესაც ორი მწერალი ერთმანეთს შევეჯიბრეთ პოლიტიკური თემის გარშემო პოსტის შექმნაზე. ამჯერად არის მეორე შემთხვევა, როდესაც მე რელიგიის შესახებ ვისაუბრებ.
განაგრძე კითხვა:

Read More

ტაქსი ახალ დაბადებულებისთვის

Posted by reader-ის ბლოგი on იან 22, 2012 in სასაცილო

კარიერისტ დედებს ყოველთვის უჭირთ ყურადღების მიქცევა ბავშვებზე. ინდონეზიაში რამდენიმე დღეა, რაც მეტად უცნაური და სასაცილო სერვისი სახელად ”ტაქსი ახალ დაბადებულებისთვის” გაჩნდა. მათი მუშაობის პრინციპი შემდეგში მდგომარეობს: კარიერისტი დედა იძახებს მანქანას, ხოლო მანქანას მაქსიმუმ 1 საათი აქვს იმისთვის, რომ მივიდეს დედასთან გამოართვას რძე და მიუტანოს მის შვილს საკვებად.
ქალები რძეს ათავსებენ სპეციალურ კონტეინერში, რომელიც ჰერმეტულად იხუფება, ხოლო კურიერი, რომელმაც უნდა წაიღოს გზავნილი, მას პატარა მაცივარში ინახავს, რომელიც მის მოტოციკლეტზეა მიბმული. მომსახურება 3 დოლარიდან იწყება და 10 დოლარამდე ადის, გააჩნია მარშრუტს.
ფიკრი ნაუვალი არის ადამიანი, რომელმაც ეს სერვისი ჩამოაყალიბა. იგი თავდაპირველად ჩვეულებრივი ნივთების გადაზიდვას აკეთებდა, ხოლო მისმა მეუღლემ ერთხელ ხუმრობის მიზნით მისივე კომპანიით რძე გაუგზავნა საკუთარ შვილს. ასე დაიბადა იდეა.

Read More

საოფისე ატმოსფერო და ზიანი

Posted by ლაშა შალუტაშვილი on იან 22, 2012 in ეს საინტერესოა

ამერიკის გარემოს კვლევის სააგენტოს განცხადებით, მათი კვლევა საოფისე საქმიანობის შესახებ დასრულებულია. ოფიციალური ინფორმაცია ამ ყოველივეს შესახებ დღეს გავრცელდა ინტერნეტში. გარემოს კვლევის სააგენტოს განცხადებით სამუშაო ტერიტორიის ატმოსფერო და სპეციფიკური სურნელი ადამიანს ნელი ტემპით კლავს. საღებავი, ავეჯი და სხვა საგნები, რომლებიც განთავსებულია სტანდარტულ ოფისებში გამოყოფენ ნივთიერებებს, რომლებიც ადვილად ხდება ადამიანის ორგანიზმში. 2011 წლის სტატისტიკის თანახმად ბოსტონის ოფისების მომუშავე პერსონალში 31 მათგანს სისხლი დაბინძურებული აღმოაჩნდა. ექიმებმა კვლევა მათ სახლებსა და ოფისებში ჩაატარეს. ნივთიერება, რომელიც მათ ორგანიზმში იყო, ოფისში აღმოაჩინეს. ექიმების აზრით შხამი, რომელიც მათ ორგანიზმში იყო ყველგან არის, მათ შორის ჩვენს სახლებშიც, თუმცა ოფისის ვარიანტში, იქ იმდენად მეტი ნივთებია განთავსებული, რომ შხამის მაჩვენებელი მინიმუმ 2-ჯერ უფრო მეტია.

Read More

გოგონას აზრი საქართველოს განვითარებაზე

Posted by ლაშა შალუტაშვილი on იან 19, 2012 in აბსურდი

სულ შემთხვევით შემხვდა ეს სიახლე ამ საიტზე. არ მკითხოთ საიდან მოვხვდი Gogona.Ge-ზე მაინც არ გეტყვით . პოსტის სათაურია განუვითარებელი საქართველო. დამაინტერესა, თუ რის შესახებ იქნებოდა ამ სიახლეში საუბარი. სიახლე რა თქმა უნდა გოგოს ეკუთვნის და მასში საუბარია სხვადასხვა საკითხზე, რომელსაც ჩამოვთვლი კითხვის გაგრძელების შემდეგ და შევეცდები მის მოყვანილ მაგალითებს შესაბამისი ლოგიკური და სწორი პასუხი გავცე.
განაგრძე კითხვა:

Read More

SOPA ანუ ბრძოლა საავტორო უფლებებზე

Posted by ლაშა შალუტაშვილი on იან 19, 2012 in ახალი ამბები

ინტერნეტში სერფინგის დროს შენიშნავდით, რომ ბევრ ადამიანს ავატარზე უყენია სურათი, რომელზეც წერია SOPA. ან სულაც შეხვედით საიტზე და იგი გაშავებული დაგხვდათ. საქმე იმაშია, რომ რამდენიმე დღის წინ გავრცელდა ინფორმაცია, რომ ამერიკის სენატში დააყენეს საკითხი ინტელექტუალური საკუთრების შესახებ. ვინც არ იცით რა არის ინტელექტუალური საკუთრება მარტივად გეტყვით, რომ ეს არის უფლება, საკუთარ შექმნილ მატერიალურ თუ არა მატერიალურ სიკეთეზე. კონგრესის განცხადებას გამოხმაურების გარეშე არ ჩაუვლია და მას მალევე გამოეხმაურა ისეთი დიდი ინტერნეტ ორგანიზაციები, როგორიცაა მაგალითად : Facebook, Twitter, Flickr, LiveJournal და სხვა. კომპანიების ხელმძღვანელების განცხადებით ყოვლად დაუშვებელია ასეთი რამის გაკეთება, რადგან ფაქტიურად გამოდის, რომ ნებისმიერი ადამიანის სასამართლოში მიყვანა და დაჭერა შეიძლება. ყველაზე დიდი ზიანი მიადგებათ ისეთი საიტების მფლობელებს, რომლებზეც მომხმარებელი ჭარბობს. მაგალითად არა ლიცენზირებული მუსიკალური ფაილის ატვირთვის გამო, ხმის ჩამწერ სტუდიას მიენიჭება უფლება, რომ ეს ადამიანი დააკავოს და პასუხისგებაში გადასცეს შესაბამის ორგანოებს.

Read More

15 რამ, რასაც გოგოები facebook-ზე აკეთებენ

Posted by sofo-ს ბლოგი on იან 19, 2012 in სასაცილო

1. სტატუსებით ელაპარაკებიან მეგობრებს, შეყვარებულს, ყოფილ შეყვარებულს, მშობლებს.
მაგალითად: ”ასეთი დაქალობა რაა”
”აღარ მიყვარხარ!!!”
”დედააა, გამიშვი რაა”
2. სურათს უღებენ რასაც ჭამენ, და აწერენ ”მმ..რა გემრიელი იყო”

3. აკეთებენ ბიჭის facebook პროფილს, ყველაფერზე აკომენტარებენ, ალაიქებენ ყველაფერს, და ამით ”აეჭვიანებენ” შეყვარებულს, ან თავიანთი აზრით, ამით უფრო ”პოპულარულები” ხდებიან.

4. აკეთებენ ”ყველაზე ლამაზები”-ს პროფილს, და თავიანთ სურათებზე თაგავენ, და/ან პროფილის სურათად დებენ..

Read More

Gulashvily Brothers Live

Posted by ლაშა შალუტაშვილი on იან 18, 2012 in საინტერესო ვიდეოები

Read More

მე მიყვარს საქართველო და არა ქართველები

Posted by sofo-ს ბლოგი on იან 18, 2012 in საქართველო

ძალიან ნერვებს მიშლის ჩემხელები (15 წლის) რომ ამბობენ რა ”ბანძ ”ქვეყანაში ვცხოვრობთო, და ევროპაში ან ამერიკაში წასვლაზე ოცნებობენ, გონიათ რომ იქ სამოთხე ელოდებათ.. უამრავი სამსახურის ვაკანსია ასარჩევად, სასახლე საცხოვრებლად და მდიდრული მომავალი ცხოვრება.. ჰგონიათ რომ საქართველოს არაფერი ეშველება და ძალიან წუხან (დამწუხრებულები არიან). ამბობენ რომ ვერ იტანენ საქართველოს და თავიანთ კარგ მომავალს მხოლოდ მის დატოვებაში ხედავენ.. არ მოსწონთ რომ ქართველები პლაგიატები ვართ და სნიკერსის შეფუთვისნაირი შეფუთვით იყიდება ”ქართული შოკოლადი” ”შემიყვარე”. მაგრამ არ ფიქრობენ მომავალში თვითონ შექმნან ისეთი რამ, რაც სნიკერსს კონკურენციას გაუწევს.
მე ვიცი რომ საქართველო მუდამ ასეთ დღეში იქნება თუ ჩემი თაობა მაკდონალდსით გასიებულ ტრაკს არ გაანძრევს და რამეს არ იზავს, რამეს არ შექმნის, რამეს არ დაგეგმავს მომავლისთვის.
”საქართველოში ვერაფერს მიაღწევ და უცხოეთში უნდა ისწავლო” თუ ყველა თაობამ ეს იფიქრა ვინღა ააშენებს საქართველოს?
განაგრძე კითხვა:

Read More

IPAD 3 მარტში გამოვა

Posted by ლაშა შალუტაშვილი on იან 17, 2012 in ტექნოლოგიები

არაოფიციალური წყაროების განცხადებით 2012 წლის მართში კომპანია Apple IPAD-ის ახალ ვერსიას, კერძოდ მესამეს გამოუშვებს. ამ ინფორმაციას ავრჩცლებს სააგენტო Bloomberg, რომელიც როგორც იცით ყველაზე ახლოს მდგომი სააგენტოა Apple-თან. როგორც გაირკვა, ახალი მოდელის ნაწილების წარმოება უკვე დაწყებულია. ნაწილებს კომპანიის აზიური პარტნიორები აწყობენ. საბოლოო აწყობას ტრადიციულად ტაივანური კომპანია Foxconn Technology Group შეასრულებს. მასშტაბური წარმოების დაწყება თებერვალში იგეგმება. სააგენტო Bloomberg-მა ასევე ისაუბრა მის ტექნიკურ მახასიათებლებზეც. ცნობილია, რომ მას ექნება უკეთესი გაფართოების ეკრანი, ოთხ ბირთვიანი პროცესორი და მეოთხე თაობის ქსელების მხარდაჭერა (LTE). IPAD 3-ის გამოშვება ისტორიაში შევა, რადგან იგი პირველი ქმნილებაა მას შემდეგ რაც სტივ ჯობსი გარდაიცვალა. შეგახსენებთ, რომ იგი გარდაიცვალა 57 წლის ასაკში. Apple Iphone 4S-ის პრეზენტაციის მეორე დღეს. iPad-ის პირველი თაობის პრეზენტაცია 2010 წლის იანვარში შედგა, ხოლო მეორე თაობის პრეზენტაცია 2011 წლის მარტში. სტატისტიკის თანახმად დღევანდელ დღემდე გაყიდულია 40 მილიონი IPAD, რამაც კომპანიას 23.5 მილიარდი სუფთა მოგება მოუტანა.

შენიშვნა: არის ასევე მეორე ვარაუდი, რომ ახალი IPAD გამოვა 24 თებერვალს, ანუ სტივის დაბადების დღეზე.

Read More